პოლიტიკა
მოსახლეობის 78% საქართველოს ევროკავშირში გაწევრიანების მომხრეა - NDI
12:55 / 17.09.2019
ეროვნულ დემოკრატიული ინსტიტუტის
(NDI) კვლევის მიხედვით, კითხვაზე - მისაღებია თუ არა საქართველოს
მთავრობის გაცხადებული მიზანი საქართველო გახდეს ევროკავშირის წევრი?
- გამოკითხულთა 78%-ს დადებითი პასუხი აქვს.
ევროკავშირში გაწევრიანებას მხარს ძირითადად 18-34 წლამდე ასაკის
ადამიანები უჭერენ.
ხოლო გამოკითხულთა 14%-სთვის ევროკავშირში გაწევრიანება მისაღები არ
არის.
შვიდი პროცენტით ნაკლებია ნატოში გაწევრიანების მომხრეთა რიცხვი.
კითხვაზე - მისაღებია თუ არა საქართველოს მთავრობის გაცხადებული
მიზანი საქართველო გახდეს ნატო-ს წევრი? - გამოკითხულთა 71%-ს
დადებითი პასუხი აქვს. მათგან უმრავლესობა 18-54 წლამდე ასაკის
ადამიანია.
ხოლო გამოკითხული მოსახლეობის 17 %-სთვის ნატოში გაწევრიანება
მიუღებელია.
კლევის საველე სამუშაოები ჩატარდა 2019 წლის 13-29 ივლისს. შედეგები
საქართველოს მოსახლეობის წარმომადგენლობითია (ოკუპირებული
ტერიტორიების გამოკლებით) და ეფუძნება 2,131 პირისპირ ინტერვიუს.
ცდომილების ზღვარი +/- 1,7%-ია.
მასალის გამოყენების პირობები