პოლიტიკა
მოსახლეობის 50%-ს, გასულ წელს, საჭირო წამლის შესაძენად ფული არ ჰქონდა - NDI
12:12 / 17.09.2019
ეროვნულ დემოკრატიული ინსტიტუტის
(NDI) კვლევის მიხედვით, გამოკითხული მოსახლეობის 50% ამბობს, რომ
გასული წლის განმავლობაში ყოფილა შემთხვევა, მას ან მის ოჯახის
წევრს წამალი სჭირდებოდა, მაგრამ არ ჰქონდა მათი შეძენის ფინანსური
შესაძლებლობა.
ასევე, გამოკითხული მოსახლეობის 54%-ს, გასული წლის
განმავლობაში, ფინანსური შესაძლებლობის არ ქონის
გამო, სამედიცინო მომსახურების გადადება მოუხდა.
ამავე კვლევის მიხედვით, გამოკითხულთა 47% ამბობს, რომ ჯანდაცვის
სისტემის წინაშე მდგარი ყველაზე დიდი პრობლემა წამლის საფასურია.
24%-ის აზრით, მთავარი პრობლემა ექიმისა და სამედიცინო პერსონალი
პროფესიონალიზმის ნაკლებობაა. პრობლემების ჩამონათვალის სამეულში
სამედიცინო მომსახურების და ექიმთა ვიზიტის საფასურია (გამოკითხულთა
14%).
კლევის საველე სამუშაოები ჩატარდა 2019 წლის 13-29 ივლისს. შედეგები
საქართველოს მოსახლეობის წარმომადგენლობითია (ოკუპირებული
ტერიტორიების გამოკლებით) და ეფუძნება 2,131 პირისპირ ინტერვიუს.
ცდომილების ზღვარი +/- 1,7%-ია.
მასალის გამოყენების პირობები