ქუთაისის ვარლამიშვილის ქუჩაზე მდებარე ხარების ეკლესიასა და წმინდა სამების ქუჩაზე მდებარე სამების ეკლესიაზე განხორიელებულ სარემონტო სამუშაოებზე კულტურული მემკვიდრეობის დაცვის ეროვნული სააგენტოს მიერ ნებართვა არ გაცემულა - აღნიშნულია სააგენტოს მიერ "ქუთაისიპოსტისთვის" მოწერილ ოფიციალურ პასუხში. 
ორივე ეკლესიის სარკმლები მეტალოპლასტმასის მასალით შეივსო.  
სამაგიეროდ სააგენტოდან 2014 წლის 11 ივნისს ამაღლების ეკლესიაზე სახურავის გამოცვლის ნებრთვა ( #09/12/99 ) გაიცა. თუმცა აღნიშნულ ეკლესიაში ასევე მეტალოპლასტმასის მასალებით მოხდა სარკმლების შევსება.
სააგენტოში აღნიშნავენ, რომ ძეგლზე დასაშვებია მხოლოდ "კულტურული მემკვიდრეობის შესახებ" საქართველოს კანონის 25-ე მუხლით გათვალისწინებული სამუშაოების ტიპების და სახეობების განხორციელება. "კულტურული მემკვიდრეობის ძეგლზე მეტალოპლასტმასის მასალით შევსება და რემონტის გაკეთება დასაშვებია იმ შემთხვევაში თუ გამართლებულია მეთოდოლოგიურად და არ იწვევს ძეგლის დაზიანებას, მხატვრულ-ესთეტიკური, ისტორიულ-კულტურული ღირებულების შემცირებასა და არ აუარესებს მის აღქმას," - აცხადებენ მემკვიდრეობის დაცვის ეროვნული სააგენტოში.

ეკა კუხალაშვილი