ქუთაისში, ბალახვნის დასახლებაში Jazz Wall- ის სახელწოდების კედლის და ჯაზის ქუჩის (Jazz Street)
პრეზენტაცია გაიმართა.
ლომონოსოვის ქუჩაზე არსებულ კედელზე ჯაზ შემსრულებლების და ინსტრუმენტალისტების ცნობილი კარიკატურების რეპროდუქციებით დაიხატა,
პროექტი რეჟისორმა ლევან ბიბილეიშვილმა და მხატვარმა ლია უკლებამ განახორციელეს. Jazz Wall- ი მერიის კულტურის სამსახურის მხარდაჭერით განხორციელდა. შესაბამისად პრეზენტაციას ქალაქის მერი შოთა მურღულია, ვიცე მერი ნოდარ მიქიაშვილიდა სხვა  ოფიციალური პირებიც ესწრებოდნენ. მერმა ლენტისა და ტორტის გაჭრით გახსნა ჯაზის ქუჩა.  რითაც, როგორც ლევან ბიბილეიშვილმა აღნიშნა, უჩვეულო სინთეზი განხორციელდა, ჯაზისა და პოლიტიკის "შერიგება" მოხდა
"ჯაზი და პოლიტიკა რადიკალურად განსხვავებული რამაა იმიტომ რომ პოლიტიკა ყოველთვის მდგრადობას და დისციპლინას მოითხოვს ჯაზი კი ყოველთვის ქაოტური, სპონტანური და იმპროვიზაციულია. ეს "შერიგება" გასაკვირია ჩემთვის, თუმცა ყველაფერი შესაძლებელია. ალბათ მაინც უფრო ჯაზი გახდა მაპროვოცირებელი რომ ეს „შერიგება“ მომხდარიყო", - აღნიშნა პროექტის იდეის ავტორმა ლევან ბიბილეიშვილმა.
ჯაზისა და პოლიტიკის შერიგებამდე, როგორც ჩანს ჯაზისა და ცხოვრების „შერიგება“ მოხდა, რადგან იდეის ავტორის თქმით ჯაზის ცხოვრებასთან იდენტიფიცირებით გაჩნდა ჯაზის კედლის მოხატვის იდეაც.
"ჯაზის კედლის იდეა იმიტომ გამიჩნდა, რომ ჩემთვის ჯაზი თავად ცხოვრებაა, როგორც ცხოვრება გულისხმობს იმპროვიზაციას, როგორც ყოველი დღეა უნიკალურია , ისეთივეა ჯაზის ყოველი შესრულება უნიკალური", - განმარტა ლევან ბიბილეიშვილმა.
პრეზენტაციაზე ჯაზ ბენდმა Lost in Muzic -მა დაუკრა.








ეკა კუხალაშვილი