ხოსე კარერასს არაერთხელ მოუწია ბისზე გამოსვლა.

ხოსე კარერასის კონცერტი ქუთაისის ცენტრალურ მოედანზე გაიმართა.

კონცერტი ცხრის ნახევარზე დაიწყო თუმცა მსმენელები 6 საათიდან იკრიბებოდნენ.







სცენასთან განთავსებულ 900 სკამზე მოსაწვევი ხოსე კარერასის მოთხოვნით შეზღუდული შესაძლებლობის პირებსა და სახელოვნებო სფეროს წარმომადგენლებზე გაიცა. 200- ზე მეტი მოსაწვევი მიეწოდათ იმერეთის რეგიონების მუნიციპალიტეტბსაც.

კონცერტზე წარმოდგენილი იყო ვერდის, პუჩინის,შოსტაკოვიჩის, გრიგის, როსინის და სხვათა ნაწარმოებები, რომელიც ხოსე კარერასმა საქართველოს სიმფონიურ ორკესტრთან ერთად შეასრულა, დევიდ ხიმენესის დირიჟორობით. კარერასს პარტნიორობას საოპერო მომღერალი სალომე ქიჯია უწევდა. მათ რამდენიმე დუეტი შეასრულეს. მომღერალს არაერთხელ მოუწია ბისზე გამოსვლა.



ხოსე კარერასი პირველად ეწვია ქუთაისს და კმაყოფილება გამოთქვა ამ ვიზიტისა და კონცერტის გამო.

70 წლის მომღერალს კარიერის მანძილზე 66 საოპერო როლი აქვს განსახიერებული მსოფლიოს სხვადასხვა საოპერო თეატრში. იგი თანამშრომლობდა ჰერბერტ ფონ კარაიანთან, ლენარდ ბერნსტაინთან და სხვა დიდ მუსიკოსებთან.

მომღერალს 80-იან წლებში ლეიკემია აღმოაჩნდა, მკურნალობამ გარკვეული პერიოდის მანძლზე შეწყვიტა მისი კარიერა. თუმცა, ის ავადმყოფობას მოერია და დააარსა ფონდი, რომელიც ლეიკემიით დაავადებულებს ეხმარებოდა. კარერასი საოპერო მოღვაწეობის პარალელურად ბევრ საქველმოქმედო კონცერტში იღებდა მონაწილეობას.

ქუთაისში გამართული კონცერი პროექტის ""Check in Georgia"-ს ფარგლებში გაიმართა, კულტურის განვითარების ფონდის ორგანიზებით. პროექტის საერთი ღირებულება 29 მილიონ ლარს შეადგენს.