კულტურა
იგი ჟურნალისტების, ახალგაზრდა მსახიობების და მუსიკოსების ერთობლივი ძალისხმევით შეიქმნა. იდეა ბლოგერს და ჟურნალისტ ზეკო ხაჩიძეს ეკუთვნის.
ჟურნალისტებმა ქალაქში ახალი ტრიბუნა და პლატფორმა შექმნეს სამოქალაქო პოზიციის გამოსახატად.
სამოქალაქო თეატრის საჭიროება, ალბათ, ყოველთვის არის, განსაკუთრებით კი ისეთ ქალაქში, სადაც სახელმწიფო პროფესიული დრამატული თეატრი სამოქალაქო აქტივიზმზე უარს ამბობს. სახელმწიფოში არსებულ დიდ პრობლემებს, ქვეყანაში მიმდინარე სასიცოცხლო მოვლენებს დუმილით ხვდება. ამ დანაკლისის შევსება შეუძლია სამოქალაქო თეატრს.
სამოქალაქო თეატრის პირველი სპექტაკლი ქუთაისს მიეძღვნა.
სპექტაკლი-პერფორმანსის "ქუთაისური ისტორიების" ავტორებმა პირველი წარმოდგენით პატივისცემა გამოხატეს ქალაქის, კლდიაშვილების ოჯახის, ებრაელების და რაც მთავარია ისტორიის მიმართ. მე-19 საუკუნის ქალაქის ისტორიის, რომლის ბევრი შრე საბჭოთა წარსულმა წაშალა, დამალა, თვალს მოაფარა, ჩაწყვიტა მასთან დამაკავშირებელი ჯაჭვი და ამით დაუკარგა ქალაქს დიდი მემკვიდრეობა. რა მემკვიდრეობასაც ქმნიდა კლდიაშვილების ოჯახი - ნოვაციებისადმი სწრაფვით, სამეცნიერო აღმოჩენებით, პროგრესისთვის ფეხის აწყობით, ღირებულებებისადმი ერთგულებით და მათთვის სიცოცხლის დათმობით.
ამ კავშირის აღდგენას შეეცადა და ალბათ მომავალშიც შეეცდება სამოქალაქო თეატრი.
პერფორმანსი ორი ნაწილისგან შედგება. იგი ქუთაისში "თეატრის მოყვარეთა დასის" დამაარსებლის, ეფრო კლდიაშვილისა და მისი უმცროსი ვაჟის საბა კლდიაშვილის შესახებ ყვება. მოსაყოლი მართლაც ბევრია. ეფრომაც და მისმა შთამომავლებმაც სახელოვნად და შთამბეჭდავი ცხოვრებით იცხოვრეს.
საბა კლდიაშვილმა სიკვდილიც სახელოვნად შეძლო.
მეცნიერი, ქიმიკოსი, სხვადასხვა კვლევის ავტორი 1905 წელს ოდესაში მეფის რუსეთის ჟანდარმერიის მიერ ებრაელთა თემის "პოგრომს" შეეწირა.იგი ებრაელების დაცვას შეეცადა, რის გამოც შავრაზმელებმა მოკლეს.
სამოქალაქო თეატრი ამ ისტორიით გამოეხმაურა და მხარდაჭერა გამოხატა ებრაელების მიმართ მათთვის მძიმე დღეებში.
ისტორია და დღევანდელობა ამ ტრაგედიებით გადაიკვეთა და გააცოცხლა მახსოვრობა, რომლის საუკეთესო ეპიზოდების გაქრობას მუდმივად ცდილობენ მოძალადე სისტემები. სამოქალაქო თეატრები კი იმიტომ იქმენებიან ამ სისტემებს დაუპირისპირდეს დაიცვას წარსული და გადაარჩინოს მომავალი.
„ქუთაისური ისტორიები“ - ქუთაისში სამოქალაქო თეატრი შეიქმნა
10:15 / 15.10.2023
ქუთაისში სამოქალაქო თეატრი დააფუძნეს.
იგი ჟურნალისტების, ახალგაზრდა მსახიობების და მუსიკოსების ერთობლივი ძალისხმევით შეიქმნა. იდეა ბლოგერს და ჟურნალისტ ზეკო ხაჩიძეს ეკუთვნის.
თეატრის პირველი სპექტაკლის მონაწილეების უმეტესობაც ჟურნალისტები
არიან.
ჟურნალისტებმა ქალაქში ახალი ტრიბუნა და პლატფორმა შექმნეს სამოქალაქო პოზიციის გამოსახატად.
სამოქალაქო თეატრის საჭიროება, ალბათ, ყოველთვის არის, განსაკუთრებით კი ისეთ ქალაქში, სადაც სახელმწიფო პროფესიული დრამატული თეატრი სამოქალაქო აქტივიზმზე უარს ამბობს. სახელმწიფოში არსებულ დიდ პრობლემებს, ქვეყანაში მიმდინარე სასიცოცხლო მოვლენებს დუმილით ხვდება. ამ დანაკლისის შევსება შეუძლია სამოქალაქო თეატრს.
სამოქალაქო თეატრის პირველი სპექტაკლი ქუთაისს მიეძღვნა.
სპექტაკლი-პერფორმანსის "ქუთაისური ისტორიების" ავტორებმა პირველი წარმოდგენით პატივისცემა გამოხატეს ქალაქის, კლდიაშვილების ოჯახის, ებრაელების და რაც მთავარია ისტორიის მიმართ. მე-19 საუკუნის ქალაქის ისტორიის, რომლის ბევრი შრე საბჭოთა წარსულმა წაშალა, დამალა, თვალს მოაფარა, ჩაწყვიტა მასთან დამაკავშირებელი ჯაჭვი და ამით დაუკარგა ქალაქს დიდი მემკვიდრეობა. რა მემკვიდრეობასაც ქმნიდა კლდიაშვილების ოჯახი - ნოვაციებისადმი სწრაფვით, სამეცნიერო აღმოჩენებით, პროგრესისთვის ფეხის აწყობით, ღირებულებებისადმი ერთგულებით და მათთვის სიცოცხლის დათმობით.
ამ კავშირის აღდგენას შეეცადა და ალბათ მომავალშიც შეეცდება სამოქალაქო თეატრი.
პერფორმანსი ორი ნაწილისგან შედგება. იგი ქუთაისში "თეატრის მოყვარეთა დასის" დამაარსებლის, ეფრო კლდიაშვილისა და მისი უმცროსი ვაჟის საბა კლდიაშვილის შესახებ ყვება. მოსაყოლი მართლაც ბევრია. ეფრომაც და მისმა შთამომავლებმაც სახელოვნად და შთამბეჭდავი ცხოვრებით იცხოვრეს.
საბა კლდიაშვილმა სიკვდილიც სახელოვნად შეძლო.
მეცნიერი, ქიმიკოსი, სხვადასხვა კვლევის ავტორი 1905 წელს ოდესაში მეფის რუსეთის ჟანდარმერიის მიერ ებრაელთა თემის "პოგრომს" შეეწირა.იგი ებრაელების დაცვას შეეცადა, რის გამოც შავრაზმელებმა მოკლეს.
სამოქალაქო თეატრი ამ ისტორიით გამოეხმაურა და მხარდაჭერა გამოხატა ებრაელების მიმართ მათთვის მძიმე დღეებში.
ისტორია და დღევანდელობა ამ ტრაგედიებით გადაიკვეთა და გააცოცხლა მახსოვრობა, რომლის საუკეთესო ეპიზოდების გაქრობას მუდმივად ცდილობენ მოძალადე სისტემები. სამოქალაქო თეატრები კი იმიტომ იქმენებიან ამ სისტემებს დაუპირისპირდეს დაიცვას წარსული და გადაარჩინოს მომავალი.
მასალის გამოყენების პირობები