მსოფლიო, პანდემიურ პირობებში პირველად ხვდება ახალ წელს. ყოველ შემთხვევაში ამ ახალ ათასწლეულში.

ახდენს თუ არა გავლენას პანდემია ბავშვების საახალწლო განწყობაზე?

რა სურთ ბავშვებს და როგორ ხედავენ ისინი ახალ წელს პანდემიის ერაში?

ნახეთ ბავშვების სურვილები და საახალწლო ბარათები.

4 წლის ანნა მოუთმენლად ელოდება ახალი წლის დადგომას, მაგრამ კიდევ უფრო პანდემიის დასრულება ეჩქარება, რადგან მისი საახალწლო სურვილი მხოლოდ იმ შემთხვევაში ახდება, თუკი ვირუსი უკან დაიხევს და ფრენები აღდგება

ანნას საახალწლო სურვილი ბამბის ნაყინია, რომელიც პარიზში გასინჯა და განსაკუთრებით მოეწონა.

8 წლის ლილუც  ღიმილს და ჯანმრთელობას უსურვებს ყველას. ლილუ ხედავს, რომ ადამიანებს მის გარშემო სწორედ ეს აკლია და ამასვე ითხოვს თავის სურვილებში.

10 წლის ლიზი უპანდემიო სამყაროს წარმოიდგენს და მისი სურვილებიც ისეთია, როგორიც უკორონო ახალ წელს შეეფერება.

9  წლის ნიკოლოზისთვისაც სამყარო  ნათელი და ბედნიერია. ეს მის ნახატებშიც ჩანს. მან 2021 წელი ასეთი ფერადი და ყველა დაპაუზებული სურვილის ასრულების წლად  წარმოიდგინა.

3  წლის ნიკოლოზი ახალ წელს თოვლს ელოდება, რომ  თოვლის კაცი გააკეთოს. ესკიზი უკვე მზად აქვს.

თემუკა მშვიდობაძე

თემუკას საახალწლო ბარათი

6 წლის ალექსანდრე ყველაზე გულწრფელია. ამას  აუცილებლად დაუფასებს თივლის ბაბუა და დაასაჩუქრებს.


ალექსანდრე მშვიდობაძე


ალექსანდრეს საახალწლო სურვილები

მთავარი ფოტო ნიკოლოზ დვალიშვილის ნახატი