რამდენიმე წუთის წინ დასრულდა შახტის წაროების უფროსის, გია ქარქაშაძის დაითხვა.

მისი განცხადებით, აფეთქების მიზეზი შესაძლოა იყო გაზის დაგროვება, ან უეცარი გამოტყორცნა.

ქარქაშაძე ამბობს, რომ აპარატურა, რომელიც საქნახშირმა რამდენიმე თვის წინ დაამონტაჟა გამართულია და მუშაობს, ასევე უბანზე იმყოფებოდნენ უსაფრთხოებისა და ვენტილაციიაზე პასუხისმგებელი სპეციალისტები.

ქარქაშაძის თქმით, არ იცის, იყო თუ არა განგაშის სიგნალი. მისი ინფორმაციით სიგნალზე პასუხისმგებელი პირი ახლა დაკითხვაზე იმყოფება. შახტის წარმოების უფროსის მტკიცებით, არსებობს ჩანაწერი იმისა, რომ სამთო ოსტატი გადმოცემს დისპეჩერს შეტყობინებას, თუმცა ჯერ ჩანაწერები არ გახსნილა.

16 ივლისს ტყიბულში, მინდელის სახელობის შახტში 4 ადამიანი დაიღუპა, ხოლო 6 დაშავდა.  შედეგად ტყიბულში 7 შვილი დაობლდა.

დაშავებული 6 მუშიდან 1 ტყიბულის საავადმყოფოდან გაწერეს, ხოლო 5 თბილისში რეანომობილით გადაიყვანეს.

რამდენიმე წუთის წინ განცხადება გაავრცელა საქართველოს ინდუსტრიულმა ჯგუფმა, რომელშიც ნათქვამია, რომ ტყიბულის შახტების სპეციფიკიდან გამომდინარე კომპანია „საქნახშირში“ ვერ მოიძებნა ისეთი საინჟინრო გადაწყვეტა, რომელიც ნახშირის მოპოვებას სრულად უსაფრთხოს გახდიდა.

"აქედან გამომდინარე, საქართველოს ინდუსტრიული ჯგუფი გამოთქვამს მზადყოფნას, უკანასკნელი 12 წლის განმავლობაში გაწეული მნიშვნელოვანი დანახარჯების მიუხედავად კომპანია “საქნახშირი” ,გადაეცეს სახელმწიფოს" - ნათქვამია განცხადებაში.