ყოველი დღის მიღმა ათასობით მოვლენა და ადამიანი დგას. წელიწადის თითოეული რიცხვი მრავალ ისტორიას და მოგონებას უკავშირდება.
გთავაზობთ რუბრიკას "რიცხვები და მოვლენები", სადაც წლის ყოველ დღესა და რიცხვში წარსულში მომხდარ სხვადასხვა ფაქტს შეგახსენებთ.


4 მარტს მხოლოდ ორი ნაციონალური დღესასწაული აღინიშნება. ბელორუსში მილიციის დღეს ზეიმობენ.

ხოლო რასაც ჩინელები 4 მარტს აღნიშნავენ გაახარებდა თბილისის მერს დავით ნარმანიას. ჩინეთში 4 მარტს ხეების დარგვის დღე აღინიშნება. ნარმანიას ერთ რამეში არ გაუმართლა - შესაბამის ქვეყანაში არ დაიბადა, თორემ მისი მთავარი შეპირება შესრულებული ექნებოდა. ნარმანია პეკინის მერი რომ იყოს ხომ ექნებოდა უკვე მილიონი ხე დარგული?!

არ ვიცი ფილიპ ბარბაროსა რგავდა თუ არა ხეებს, თუმცა ის კი არის ნამდვილად ცნობილია, რომ 1152 წლის 4 მარტს გერმანიის მეფე გახდა.
4 მარტს სასტიკად არ გაუმართლა კარდინალ კარლო კარაფას. მას 1561 წელს რომის პაპმა სიკვდილი მიუსაჯა.

სამაგიეროდ, 1789 წელს ძალაში შევიდა აშშ-ს კონსტიტუცია და ნიუ იორკში აშშ-ს პირველმა კონგრესმა დაიწყო მუშაობა.
1791 წელს კი იზრაელ იაკობსი გახდა პირველი ებრაელი, რომელიც აშშ-ს კონგრესში აირჩიეს.

დასამახსოვრებელი ფაქტი მოხდა 1813 წლის 4 მარტს - პირველად ისტორიაში ოფიციალურ შეხვედრაზე მენიუში შეიტანეს ნაყინი. ეს ივენთი აშშ-ს პრეზიდენტის ინაუგურაცია გახლდათ.

მე-19 საუკუნის პირველი ნახევარი წარმატებული აღმოჩნდა ჩიკაგოსთვის. 1837 წლის 4 მარტს ფორტმა ჩიკაგომ ქალაქის სტატუსი მიიღო.
ჩიკაგომ ქალაქის, ჩარლი ჩაპლინმა კი რაინდის ტიტული მიიღო 1975 წელს.

მე-19 საუკუნეში მოწოდების სიმართლეზე აღმოჩნდნენ ამერიკელი გამომგონებლები. 1877 წლის 4 მარტი მიკროფონს გამოგონებით შევიდა ისტორიაში. გამომგონებელი ამერიკელი ემილ ბერლინერი გახლდათ.

2006 წლის 4 მარტს პირველად ამოქმედდა სოციალური ქსელი "Одноклассники".