26 თებერვალს კინო „საქართველოში“ ქართული ფილმის პრემიერა გაიმართება.

წარმოდგენილი იქნება სოსო ბლიაძის ფილმი  "ოთარის სიკვდილი".

ფილმის ჩვენება მერიის, ქუთაისის საერთაშორისო მოკლემეტრაჟიანი ფილმების ფესტივალისა და კინოთეატრ " საქართველოს" ერთობლივი პროექტის ფარგლებში ხორციელდება.

სოსო ბლიაძის ფილმმა კარლოვი-ვარის კინოფესტივალზე კრიტიკოსთა ჯილდო მოიპოვა. ოთარის სიკვდილი საქართველო-გერმანია-ლიეტუვის ერთობლივი პროდუქციაა.

"ოთარის სიკვდილი" მოგვითხრობს დედა-შვილზე, ქეთისა და ნიკაზე, რომლებიც ავტოსაგზაო შემთხვევის შემდეგ მძიმე მდგომარეობაში აღმოჩნდნენ. ნიკა შემთხვევით მოხუცს შეეჯახება, დაზარალებულის ოჯახი კი მის წინააღმდეგ ბრალის შეტანას მხოლოდ იმ შემთხვევაში გადაიფიქრებს, თუ დედა-შვილი ზარალს ნაღდი ფულით აანაზღაურებს. ქეთის შვილის ციხიდან დასახსნელად დიდი თანხის შეგროვება უწევს. მოულოდნელი შემობრუნება დრამას ტრაგიკომიკურ სახეს აძლევს.

კინოსეანსებზე დასასწრები ბილეთების ღირებულება 2 ლარია. 

თანამედროვე ქართული ფილმების პრემიერები ქუთაისში, ერთი წლის განმავლობაში, ყოველი თვის ბოლო შაბათს გაიმართება.

პროექტის ფარგლებში შედგენილმა აფიშამ ცვლილება განიცადა. გთავაზობთ განახლებულ ვერსიას:


აღნიშნული პროექტის ფარგლებში პირველი ჩვენება 29 იანვარს, გაიმართა. Წარმოდგენილი იყო კეკო ჭელიძის დოკუმენტური ფილმი "მკვდარი სულების არდადეგები".