გართობა
უგემრიელესი საშობაო ღვეზელი იზო ბებოს რეცეფტით
FaceBook
მართალია საშობაო ღვეზელი გურულებისაა, თუმცა მას ასევე გემრიელად აცხობენ იმერელი დიასახლისებიც.

როგორც იზო ბებომ გვითხრა, გემრიელი ღვეზელის საიდუმლო ზუსტ პროპორციებსა და ღვეზელების თავზე მოსასმელ სითხეშია.

ასე, რომ გთავაზობთ იმერელი იზო ბებოს რეცეფტს. რომლითაც  საშობაო ღვეზელების გამოსაცხობად სამი საათი დაგჭირდებათ.

თუმცა, შედეგი რომელსაც ცხობის შემდეგ მიიღებთ, თავადაც სასაიმოვნოდ გაოცებულს დაგტოვებთ.

მითითებული პროპორციით გამოაცხობთ 10 – 12 ღვეზელს. 

ინგრედიენტები: 

ფქვილი – 900 გრ.

თბილი – წყალი 500 მლ.

საფუარი – 1 თხელი სუფრის კოვზი.

ზეთი – 100 მლ.

შაქარი – 1 სუფრის კოვზი.

მარილი – 1 ჩაის კოვზი.

კვერცხი – 10 ცალი. (აქედან 2 ცალი თავზე წასასმელად)

ყველი – 800 გრ.

მაწონი –  2 სუფრის კოვზი. 

საფუარს, მარილს, შაქარს დაამატეთ ზეთი და დაასხით  თბილი წყალი. აცადეთ აფუება 10–15 წუთი. შემდეგ დაამატეთ ფქვილი. ცომს დააფარეთ თავზე და დააყოვნეთ 1–2 საათი, ვიდრე აფუვდება.

გახეხეთ ყველი და დაუმატეთ ასევე მსხვილ სახეხზე გახეხილი 8 მაგრად მოხარშული კვერცხი. მიღებული მასა გაყავით და 12 გუნდად აქციეთ. ასევე 12 გუნდად დაყავით ცომი. ცალკე პატარა თასზე ორი კვერცხის გული გახსენით ორ სუფრის კოვზ მაწონთან ერთად და გამოიყენეთ ღვეზელებზე თავის წასასმელად. 

ცომის გუნდა მრვგვალად გააბრტყელეთ და მის ნახევარზე დადეთ ყველისა და კვერცხის შიგთავსი, გადმოაფინეთ ცომის მეორე ნაწილი. ღვეზელს წაუსევით მაწვნისა და კვერცხის ნაზავი და ღუმელში 200 გრადუსზე აცხვეთ 15–20 წუთის განმავლობაში.

გისურვებთ ბედნიერ შობას.



| Print |