ქუთაისის საერთაშორისო უნივერსიტეტის კომპიუტერული მეცნიერების პროგრამის სტუდენტი თომა ფირცხელანი მობილური აპლიკაციების ევროპის ყველაზე დიდი დეველოპერული კომპანიის ციფრული პროდუქტების მენეჯერია.

Bending Spoons-ის სათავო ოფისი მილანში მდებარეობს, კომპანია ფლობს ისეთ ცნობილ პროდუქტებს, როგორებიცაა: WeTransfer, Remini, Brightcove, Evernote, Meetup და სხვა.

თომა, Product Manager-ის როლში, ამჟამად, AI ფოტოგრაფიის გუნდში, პროდუქტ Remini-ზე მუშაობს, რომელსაც მსოფლიოს მასშტაბით, დღეის მონაცემებით, 100 მილიონზე მეტი ყოველთვიური აქტიური მომხმარებელი ჰყავს.

“უკვე თითქმის ერთი წელია, ვავითარებ ხელოვნური ინტელექტის მეორე ყველაზე დიდ აპლიკაციას მსოფლიოში — Remini-ს, რომელიც ყოველთვიურად 130 მილიონზე მეტ მომხმარებელს აძლევს შესაძლებლობას, ხელოვნური ინტელექტის საშუალებით გააუმჯობესონ არსებული ან შექმნან ახალი ფოტოები.

KIU-მ ჩემს შემთხვევაში მნიშვნელოვანი როლი შეასრულა როგორც ინტელექტუალური, ისე პიროვნული განვითარების თვალსაზრისით. მჯერა, მთავარი - სტუდენტის მონდომებაა, უნივერსიტეტი შესაძლებლობებს გვთავაზობს, ის, თუ როგორ გამოვიყენებთ ამ შესაძლებლობებს, სწორედ ჩვენი მონდომების შედეგია” - ამბობს თომა ფირცხელანი.