უმაღლესი სასწავლებლების ნაწილში სასწავლო პროცესი დღეს, 18 სექტემბერს, განახლდა.

ახალი სასაწავლო წლის დაწყება საზეიმო ღონისძიებით აღნიშნეს ქუთაისის აკაკი წერეთლის სახელმწიფო უნივერსიტეტშიც.

წელს, წერეთლის უნივერსიტეტში 2 122 სტუდენტი ჩაირიცხა, მათგან 13 სრული დაფინანსებით ისწავლის; 70%-იანი გრანტი 34-მა პირველკურსელმა მოიპოვა, 50%-იანი დაფინანსება კი - 128 სტუდენტმა.

,,სტუდენტობის პირველი დღე გამორჩეული და ემოციურია ჩემთვის. კურსელები გავიცანი, ბევრს ვიცნობდი კიდეც. გარემო მომწონს, მაგრამ ცოტა დაბნეული ვარ. ძალიან მოტივირებული და მიზანმიმართული ვარ, რომ წარმატებული სტუდენტი ვიყო",- ამბობს წერეთლის უნივერსიტეტის, ბიზნესის ადმინისტრირების მიმართულების პირველი კურსის სტუდენტი მათე ჩაჩხიანი.

წერეთლის უნივერსიტეტში, საბაკალავრო პროგრამებზე, ჯამში 9 000 სტუდენტზე მეტი სწავლობს.

2023 წლის ეროვნული გამოცდების შედეგად სტუდენტი 34 843 აბიტურიენტი გახდა.