განათლება
ეროვნული გამოცდებისთვის რეგისტრაცია დაიწყო
12:44 / 01.03.2022
2022 წლის ერთიანი ეროვნული გამოცდებისთვის
რეგისტრაცია დღეს დაიწყო და 4 აპრილამდე გაგრძელდება.
შეფასებისა და გამოცდების ეროვნული ცენტრის ინფორმაციით, აბიტურიენტთა
რეგისტრაციის პროცესი რამდენიმე ეტაპად ჩატარდება:
პირველ ეტაპზე აბიტურიენტი ვალდებულია შეავსოს პირადი მონაცემები,
აირჩიოს საგამოცდო ქალაქი, ჩასაბარებელი საგნები და საჭიროების
შემთხვევაში მონიშნოს სპეცპირობა;
საგნის შეცვლა ან დამატება, ასევე გამოცდის ენის შეცვლა აბიტურიენტებს
14 აპრილის 18:00 საათამდე შეეძლებათ;
საგანმანათლებლო პროგრამების ჩამონათვალში ცვლილებების შეტანის
შესაძლებლობა გამოსაცდელებს აპელაციის შედეგების გამოქვეყნებიდან
მომდევნო დღის ჩათვლით ექნებათ.
ერთიან ეროვნულ გამოცდებში მონაწილეობის საფასური (ერთი
გამოცდისათვის) 10 ლარია. რეგისტრაცია შესაძლებელია ერთიანი ეროვნული
გამოცდების
ვებ-გვერდზე.
მასალის გამოყენების პირობები