"უნივერსიტეტი ქმნის წარმატებას " ეს ავსტრიის KARL-FRANZENS-UNIVERSITÄT GRAZ ის სლოგანია.GRAZ- ის უნივერსიტეტი ერთ-ერთია იმ უნივერსიტეტებს შორის, რომლებიც აქტიურად თანამშრომლობენ აკაკი წერეთლის სახელწიფო უნივერსიტეტთან.
ეს პარტინორობა კი, როგორც უნივერისტეტის ადმინისტრაციაში განმარტავენ, სტუდენტებს აძლევს შესაძლებლობას მიიღონ მონაწილეობა სხვადასხვა სახის გაცვლით პროგრამებში და ცოდნა გაიღმავონ საზღვარგარეთ.

აკაკი წერეთლის სახელმწიფო უნივერსიტეტი სამი ტიპის გაცვლით პროგრამებს ახორციელებს: მათავრობათა შორის გაფორმებული ხელშეკრულებები, უნივერსიტეტებს შორის გაფორმებული ხელშეკრულებები და ერასმუსის გაცვლითი პროგრამები.

პროფესორ დავით გეგეჭკორის თქმით, უნივერსიტეტში სამივე ტიპის პროგრამების მიმართ დიდია დაინტერესება.

"არის ჩეხეთის, პოლონეთის, გერმანიის მთავრობის სტიპენდიები, რომლებიც ქვეყნდება განათლების სამინისტროს საიტზე, შემდეგ განთავსდება ჩვენს ვებ-გვერდზე და სტუდენტებს აქვთ საშუალება გაეცნონ ამ პროგრამებს. ასევე, ჩვენს უნივერსიტეტეს აქვს გაფორმებული ხელშეკრულებები ევროპის წამყვან უნივერსიტეტებთან, როგორიცა, ლატვიის, გერმანიის, პოლონეთის და ესტონეთის უნივერსიტეტები. გვაქვს ხელშეკრულება თურქეთთნ, ირანთა, აშშ-სთან, დიდ ბრიტანეთთან, სადაც ხდება სტუდენტების გაცვლა," - ამბობს პროფესორი დავით გეგეჭკორი.

როგორც უნივერსიტეტში განმარტავენ, გასულ წლებთან შედარებით, გაზრდილია სტუდენტების დაინტერესება. სასწავლებლიდან მიღებული ინფორამაციით, ზემოთჩამოთვლილი პროგრამები სტუდენტს საშუალებას აძლევს მოიპოვოს დაფინანსება და ასევე, სრულად აუნაზღაურდეთ ტრანსპორტირების ხარჯები.

" პირველად ერასმუსის პროგრამში 2011 წელს ჩავერთეთ. მაშინ ორი სტუდენტი იღებდა მონაწილეობას, ხოლო გასულ წელს მათი რიცხვი 200-მდე გაიზარდა" - ამბობს დავით გეგეჭკორი.

შესაბამისი პროგრამების არჩევა სტუდენტს აკაკი წერეთლის უნივერსიტეტის ოფიციალურ ვებ-გვერდზე (www.atsu.edu.ge) შეუძლია. იმისთვის, რომ სტუდენტმა გაცვლით პროგრამაში მიიღოს მონაწილეობა, აუცილებელია იცოდეს უცხო ენა.

სტუდენტმა უნდა იპოვოს მისი სპეციალობის შესაბამისი მიმართულება უცხოურ უნივერსიტეტში, აუცილებელია ემთხვეოდეს კრედიტების რაოდენობა, ასევე, სტუდენტმა უნდა დაადგინოს, რა დონის ენის მოთხოვნა აქვს უნივერსიტეტს და რა საგნები ისწავლება.

შემდეგი ნაბიჯია ონლაინ აიტვირთოს საბუთები, რათა სასურველმა უნივერსიტეტმა განიხილოს სტუდენტის მონაცემები. განიხილება, ენის სერთიპიკატი , აკადემიური მოსწრება, სამოტივაციო წერილი. ასევე, იგზავნება სასწავლო ხელშეკრულება, სადაც მითითებულია ორივე უნივერსიტეტის საგნები.

წერეთლის უნივერსიტეტში განმარატვენ, რომ გაცვლითი პროგრამების შესახებ უნივერსიტეტი პერიოდულად აწვდის სტუდენტებს ინფორმაციას. საკონკურსო ფანჯარა იწყება ნოემბერში. სტუდენტს მარტამდე აქვს დრო მოამზადოს საბუთები და მიიღოს კონკურსში მონაწილეობა. საზღავარგარეთ სწავლის ვადა მინიმალური 6, ხოლო მაქსიმალური 10 თვით განისაზღვრება.

დავით გეგეჭკორის თქმით, მოთხოვნადი უნივერსიტეტები ბევრია.

"პოპულარულია რუმინეთი, რადგან არ არის განსაზღვრული ენის სერთიფიკატის დონე. ასევე, პოლონეთი, ესტონეთი, ლიტვა, რადგან საგნების თანხვედრა დიდია და მეტია დაინტერესებაც,"  - ამბობს პროფესორი.

გაცვლით პროგრამებში მონაწილეობის მიღება მხოლოდ მათთვის არის შესაძლებელი, რომლებიც უკვე გახდნენ მეორე კურსის სტუდენტები.