ქუთაისის მერია ქუთაისის მუნიციპალიტეტის საკრებულოსა და მერიის სტრუქტურული ერთეულებისათვის წებოვან ლენტებს შეისყიდის.

წებოვანი ლენტების შესაძენად მერიამ 380 ლარის ღრებულების ტენდერი მიმდინარე წლის 9 მარტს გამოაცხადა. ტენდერში გამარჯვებული ვალდებულია საქონლის მიწოდება განახორციელოს საკუთარი ხარჯებით, ეტაპობრივად, მოთხოვნიდან 2 (ორი) კალენდარული დღის განმავლობაში, ხელშეკრულების დადებიდან 2015 წლის 31 დეკემბრის ჩათვლით.
სატენდერო პირობების თანახმად, მერია 460 წებოვან ლენტას შეისყიდის. აქედან, 60 ცალი ორმაგი წებოვანი უნდა იყოს. წებოვანი ლენტების შესასყიდად გამოცხადებულ ტენდერზე წინადადებები მიღება 16 მარტს იწურება.