კორონავირუსი
,,კორონავირუსის პიკი თებერვალში იქნება'' - პაატა იმნაძე
11:04 / 20.01.2022
დაავადებათა კონტროლის ეროვნული ცენტრის
ხელმძღვანელის მოადგილის პაატა იმნაძის ვარაუდით, კორონავირუსის პიკი
თებერვლის დასაწყისში იქნება.
იმნაძის თქმით, ამ პერიოდში დადასტურებული შემთხვევების რაოდენობა
15 000-ს მიაღწევს.
,,ომიკრონი ძალიან სწრაფად ვრცელდება, ყველანაირ რეკორდს
ხსნის ყველა ქვეყანაში. როცა ჩვენ ვთქვით, რომ პიკზე თებერვლის პირველ
დეკადაში გავალთ, ველოდებით 12-15 ათას დიაგნოსტირებულ შემთხვევას,
რაც რა თქმა უნდა, რეალობაში 2-3-ჯერ მეტი იქნება", -
განაცხადა პაატა იმნაძემ.
ბოლო 24 საათის განმავლობაში, საქართველოში კორონავირუსის კიდევ 6 351
ახალი შემთხვევა გამოვლინდა, 3 043 კოვიდინფიცირებული გამოჯანმრთელდა,
გარდაიცვალა კიდევ 27 პაციენტი.
ამ დროისთვის საქართველოში კორონავირუსის 1 021 943 შემთხვევაა
დადასტურებული. მათ შორის, გამოჯანმრთელდა 946 255, გარდაიცვალა 14
582 პაციენტი.
მასალის გამოყენების პირობები