ვირუსის გავრცელებიდან, მიმდინარე წლის
პირველი ოქტომბრის ჩათვლით, კორონავირუსი 7 338 ორსულს
დაუდასტურდა. აქედან 17 გარდაიცვალა.
გარდაცვალების 16 შემთხვევა დაფიქსირდა 2021 წელს, ერთი კი 2020
წელს.
ორსულთა ინფიცირებისა და გარდაცვალების
სტატისტიკას,
დაავადებათა
კონტროლის ეროვნული ცენტრი ავრცელებს. მათი ცნობით, არც ერთი
გარდაცვლილი აცრილი არ იყო.
სტატისტიკის მიხედვით, კორონავირუსით ორსულთა ინფიცირების პროცენტული
მაჩვენებელი 8,6%-ია. დადასტურებულ შემთხვევათა
რაოდენობა 35-39 წლის ქალებში უფრო მეტია.
საცხოვრებელი ადგილის მიხედვით, ორსულთა ინფიცირების ყველაზე მეტი
შემთხვევა ქვემო ქართლში, შიდა ქართლსა და სამცხე-ჯავახეთშია. 2020
წელს, აღნიშნულ რეგიონებში კოვიდ19-ით 3 304 ორსული დაინფიცირდა, 2021
წელს კი 4 034.
ncdc-ის კვლევით, სრულად ვაქცინირებულ ორსულებში კორონავირუსით
ინფიცირება დაბალია.
მასალის გამოყენების პირობები