მთავრობა გასართობი ღონისძიებების შეზღუდავს გეგმავს.
ამის შესახებ ჯანდაცვის მინისტრის მოადგილემ თამარ გაბუნიამ განაცხადა.

მისი თქმით, ამაზე ფიქრი უკვე დაიწყეს, რადგან, მისივე მტკიცებით, "გასართობ ღონისძიებაზე არ არის განწყობილი ადამიანი, რომ ნიღბით იყოს და დისტანცია დაიცვას".

"ინდივიდუალური პასუხისმგებლობა კრიტიკულია და ამდენად, მოქალაქეებისა და საზოგადოების აქტიურობის გარეშე ეს წარმოუდგენელია. მესმის, ზაფხულია, კურორტები გაიხსნა, გასართობი ღონისძიებები ტარდება. გასართობ ღონისძიებაზე არ არის განწყობილი ადამიანი, რომ ნიღბით იყოს და დისტანცია დაიცვას, მაგრამ ასე არ გამოვა. ისევ მოგვიწევს გასართობი ღონისძიებების შეზღუდვაზე ვიმუშაოთ. ამაზე დავიწყეთ უკვე ფიქრი", - თქვა თამარ გაბუნიამ.

საქართველოში ვაქცინაცია 15 მარტს დაიწყო, 4 თვის თავზე კი მხოლოდ 122 180 ადამიანი აცრილი. მთავრობა ამტკიცებს, რომ წლის ბოლომდე მოსახლეობის 60%-ს აცრის.