25 მარტიდან დღეიდან 65 წელზე მეტი
ასაკის პირების ვაქცინაციისთვის რეგისტრაცია იწყება.
ასაკობრივ ჯგუფებთან ერთად ჩვეულებრივ აიცრებიან ექიმებიც.
„ყველამ ვიცით, რომ სწორედ ეს ჯგუფები არიან ის მოწყვლადი ჯგუფები,
რომლისთვისაც ინფექცია ყველაზე საშიშია და პროცესი დავაჩქარეთ“, -
განაცხადა რამდენიმე დღის წინ ჯანდაცვის მინისტრმა, ეკატერინე
ტიკარაძემ.
დღეს საქართველოში „ფაიზერის“ ვაქცინის 29 250
დოზა ჩამოვიდა.
ქვეყანაში "ასტრაზენეკას" აცრით კოვიდსაწინააღმდეგო იმუნიზაცია 15
მარტს დაიწყო და პირველ ეტაპზე მედეპერსონალები იცრებიან. თუმცა იმის
გამო, აქტივობა დაბალია ვაქცინაციის პორტალზე რეგისტრაცია 65 წლის
ზემოთ პირებსაც შეეძლებათ.
საქართველოში 65 წელს ზემოთ ასაკის 555 983 ადამიანი ცხოვრობს.
ვაქცინაციის გეგმის თანახმად კი, კოვიდსაწინააღმდეგო ვაქცინის
გაკეთება ამ ასაკობრივი კატეგორიის 60%-ისთვისაა (333 590
მოქალაქისთვის) რეკომენდებული.
მასალის გამოყენების პირობები