ახალი ამბები
"ასტრაზენეკას" ვაქცინა ქუთაისშია
17:27 / 13.03.2021
დასავლეთ საქართველოსთვის
განკუთვნილი "ასზრაზენეკას" ვაქცინა ქუთაისშია. ვაქცინა დაავადებათა
კონტროლის იმერეთის სამმართველოში მიიტანეს.
როგორც სამმართველოს უფროსი გოჩა გიორგიძე განმარტავს, დასავლეთ
საქართველოსთვის სულ განკუთვნილია 14080, იმერეთისთვის კი 5550 დოზა
ვაქცინა.
"დღეს დასავლეთ საქართველოსთვის მოგვეწოდა 14 080 დოზა ვაქცინა.
დაიწყება მისი განაწილება, წავა სამეგრელოს და გურიის მიმართულებით.
ხვალ მიეწოდება რაჭა-ლეჩხუმის რეგიონს და ხვალვე მიეწოდება იმერეთის
ყველა საზოგადოებრივ ჯანდაცვას. იმერეთისთვის გვაქვს 5550 დოზა
ვაქცინა, შესაბამისი ამცრელი კაბინეტებიც მზადა, გავლილი აქვთ
ტრენინგები და ორშაბათიდან დავიწყებთ ვაქცინაციას.
სამიზნე ჯგუფია სამედიცინო პერსონალი, რომელთა რეგისტრაციაც
დაწყებულია დღეს დილოდან, მათ შოროს ჩართულია იმერეთის რეგიონი", -
განაცხადა გოჩა გიორგიძემ.
შვედურ-ბრიტანული კომპანიის მიერ
წარმოებული, COVID-19-ის საწინააღმდეგო ვაქცინის „ასტრაზენეკას“
პირველი პარტიის 43 200 დოზა თბილისის საერთაშორისო აეროპორტში დღეს
დილით ჩამოვიდა.
მასალის გამოყენების პირობები