ახალი ამბები
რა წესები უნდა დაიცვან სკოლებში
16:47 / 04.02.2021
15 თებერვლიდან საქართველოში ყველა
საჯარო სკოლაში სასწავლო პროცესი საკლასო ოთახებში ჩატარდება.
რეგულციების შემსუბუქების შესახებ გადაწყვეტილება დღეს საკოორდინაციო
საბჭომ მიიღო.
რეგულაციები, რომელთა დაცვა როგორც მასწავლებელს ასევე, მოსწავლეს
ევალება.
მოსწავლე ვალდებულია:
დაიცვას ჰიგიენის წესები და სკოლის მიერ დადგენილი წესები;
დაიმუშაოს ხელები სადეზინფექციო ხსნარით იმ შემთხვევაში, როცა ვერ
ხერხდება ხელების დაბანა თხევადი საპნით და ერთჯერადი ხელსახოცით
გაშრობა;
დაიბანოს ხელები წყლითა და საპნით ხილული დაბინძურების შემთხვევაში ან
ბიოლოგიური სითხეების მოხვედრისას;
დახველებისა და დაცემინების დროს მიიფაროს სუფთა ხელსახოცი (რომელიც
ერთჯერადი გამოყენების შემდეგ ექვემდებარება გადაგდებას) ან მოხრილი
იდაყვი;
მოერიდოს ხელებით თვალებზე, ცხვირსა და პირზე შეხებას;
სწავლების პერიოდში უზრუნველყოს თმის შეკვრა/მჭიდროდ დამაგრება, რათა
მაქსიმალურად შეიზღუდოს თმების შეხება სახის ზედაპირთან;
არ გამოიყენოს სხვისი ნივთები;
ჯანმრთელობის მდგომარეობის გაუარესების შემთხვევაში მიმართოს
ექიმს.
მშობლის/კანონიერი წარმომადგენლის
ვალდებულებები:
ცხელების/რესპირატორული დაავადების შემთხვევაში არ გაუშვას მოსწავლე
სკოლაში;
სკოლაში ყოფნის პერიოდში ცხელების/რესპირატორული დაავადების
სიმპტომების გამოვლენის შემთხვევაში დროულად გაიყვანოს მოსწავლე
სკოლიდან და უზრუნველყოს ბავშვის მიმართვა
ოჯახის/სოფლის ექიმთან, ან დაუკავშირდეს 112-ს შესაბამისი სამედიცინო
მომსახურების მისაღებად;
სახლის პირობებში ჯანმრთელობის მდგომარეობის გაუარესების შემთხვევაში
შეატყობინოს კლასის დამრიგებელს;
სახლის პირობებში ცხელების ან სხვა რესპირატორული დაავადების
სიმპტომების გამოვლენისას უზრუნველყოს ბავშვის მიმართვა ოჯახის/სოფლის
ექიმთან, ან დაუკავშირდეს 112-ს შესაბამისი სამედიცინო მომსახურების
მისაღებად.
საკოორდინაციო საბჭოს
გადაწყვეტილებით:
8 თებერვლიდან ფუნქციონირებას ბაზრობებიც
დაიწყებენ;
ტრანსპორტი მთელი ქვეყნის მასშტაბით, მათ შორის თბილისში, რუსთავსა
და
ქუთაისში 8 თებერვლიდან გაიხსნება;
თბილისის, რუსთავისა და ქუთაისის სკოლებში სასწავლო პროცესი
15 თებერვლიდან განახლდება;
15 თებერვლიდან კვების ობიექტები, რესტორნები ღია სივრცეში
ამოქმედებას შეძლებენ;
პრემიერის განცხადებით, კორონავირუსის გამო დაწესებული შეზღუდვები
შაბათ-კვირას შენარჩუნდება.
მასალის გამოყენების პირობები