ახალი ამბები
იმერეთში კორონავირუსის 313 ახალი შემთხვევა გამოვლინდა
11:10 / 30.10.2020
იმერეთის რეგიონში ბოლო 24 საათის
განმავლობაში კორონავირუსის 313 ახალი შემთხვევა გამოვლინდა.
ამ მონაცემებით იმერეთის მუნიციპალიტეტი, ქვეყანაში ვირუსის
გავრცელების მასშტაბით მესამე ადგილზეა.
უცნობია, რომელ მუნიციპალიტეტში რამდენი ახალი შემთხვევაა
დაფიქსირებული. მთავრობის ადმინისტრაციაში მონაცემები ქალაქებისა და
მუნიციპალიტეტების მიხედვით არ ცხადდება.
საქართველოში, დღე-ღამის განმავლობაში , კორონავირუსის 1696 ახალი
შემთხვევა გამოვლინდა და ინფიცირების შემთხვევათა რაოდენობა 37263
-მდე გაიზარდა.
გამოჯანმრთელდა 2906 პაციენტი და საერთო რაოდენობა 19810 -ს
შეადგენს.
კარანტინის რეჟიმში იმყოფება 3070 მოქალაქე, ხოლო სტაციონარში
მეთვალყურეობას 4200 ადამიანი გადის. კოვიდსასტუმროში მყოფი პირების
რაოდენობა 2324 -ს შეადგენს.
ქვეყანაში კორონავირუსით კიდევ 12 პაციენტი გარდაიცვალა და
გარდაცვლილთა საერთო რიცხვი 285-ს შეადგენს.
უცხოეთიდან სამკურნალოდ გადმოყვანილია საქართველოს 41 მოქალაქე.
ვირუსით ინფიცირების პირველი შემთხვევა ქვეყანაში 2020 წლის 26
თებერვალს დადასტურდა.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია
2020 წლის 11 მარტს გამოაცხადა. მანამდე კი, 30 იანვარს ჯანმომ
კორონავირუსი გლობალურ საფრთხედ გამოაცხადა. ჩინეთში პნევმონიის
აფეთქება 2019 წლის დეკემბერში დაიწყო. ის გამოწვეულია კორონავირუსის
აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია.
მომხდარის გამო ქვეყნის ორ ქალაქში კარანტინი გამოცხადდა.
მასალის გამოყენების პირობები