ქუთაისის საავადმყოფოებში
კოვიდინფექციით 70 პაციენტი მკურნალობს.
ისინი ქალაქის სამ კლინიკაში არიან გადანაწილებული. იმერეთის
გუბერნატორის, ზვიად შალამბერიძის თქმით, ქალაქის მასშტაბით სულ 300
საწოლია და ვირუსით ინფიცირებულთა რაოდენობის მატების შემთხვევაში,
პრობლემა არ შეიქმნება. თუმცა, კლინიკაში უკვე მოთავსებული
პაციენტების გამოჯანმრთელებამდე
ახლების მიღებაზე უარი თქვა "ლჯ კო" - მ, სადაც ამ
დროისთვის 18 პაციენტი მკურნალობს.
30 პაციენტია მოთავსებული კლინიკა "ბომონდში", ხოლო დანარჩენები
კლინიკურ საავადმყოფოში მკურნალობენ.
ბოლო 24 საათში ქუთაისში კორონავირუსის 14 ახალი შემთხვევა
დაფიქსირდა. ყველა მათგანი ე.წ. 32-ე საჯარო სკოლის კლასტერს
უკავშირდება.
საქართველოში
ბოლო 24 საათის განმავლობაში კორონავირუსის 170 ახალი შემთხვევა
დაფიქსირდა.
ვირუსით ინფიცირების პირველი შემთხვევა ქვეყანაში 2020 წლის 26
თებერვალს დადასტურდა. 21 მარტს საქართველოში საგანგებო მდგომარეობა
ამოქმედდა, 31 მარტიდან კი - საყოველთაო კარანტინის რეჟიმი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია
2020 წლის 11 მარტს გამოაცხადა. მანამდე კი, 30 იანვარს ჯანმომ
კორონავირუსი გლობალურ საფრთხედ გამოაცხადა. ჩინეთში პნევმონიის
აფეთქება 2019 წლის დეკემბერში დაიწყო. ის გამოწვეულია კორონავირუსის
აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია.
მომხდარის გამო ქვეყნის ორ ქალაქში კარანტინი გამოცხადდა
მასალის გამოყენების პირობები