ქუთაისის ახალ ინფექციურ საავადმყოფოში ბოლოს კორონავირუსით ინფიცირებული პაციენტი 22 ივნისს, ბათუმის ცხელების ცენტრიდან, მიიღეს.

როგორც კლინიკაში განმარტავენ, ამ დროისათვის საავადმყოფოში COVID-19-ით ხუთი პაციენტი მკურნალობს. მათი ჯანმრთელობის მდგომარეობა დამაკმაყოფილებელია.

კლინიკა სულ 45 გამოჯანრთელებულმა პაციენტმა დატოვა.

stopcov.ge-ს მიხედვით, საქართველოში კორონავირუსის 924 დადასტურებული შემთხვევაა, აქედან 785 გამოჯანმრთელდა, გარდაიცვალა - 15.

კარანტინის რეჟიმში 2 819 პირი იმყოფება, სტაციონარში მეთვალყურეობის ქვეშ 230.