საჩხერის სამედიცინო ცენტრში კიდევ ადამიანი გამოჯანმრთელდა

20:59 / 13.04.2020

საჩხერის სამედიცინო ცენტრს კიდევ ერთი გამოჯამრთელებული პაციენტი დატოვებს.

დაავადებათა კონტროლის ცენტრის იმერეთის სამმართველოს ხელმძღვანელის თქმით, გამოჯამრთელებულ პაციენტთან ორიჯერადი კვლევის შედეგად ტესტმა კორონავირუსზე უარყოფითი პასუხი აჩვენა.

გამოჯამრთელებული პაციენტი ამავე კლინიკის ინფექციონისტი და საჩხერის მერის ბენიამინ ფალავანდიშვილის მეუღლეა, ის კლინიკას, სავარაუდოდ, ხვალ დატოვებს.

პაციენტი მეექვსე გამოჯამრთელებულია, რომელიც საჩხერის კლინიკაში კორონავირუსისგან განიკურნა.

კლინიკაში ამ დროისთვის კორონავირუსით დაავადებული ერთი პირი გადის მკურნალობის კურსს, მას საზღვარგარეთ მოგზაურობის ისტორია აქვს.

საქართველოში კორონავირუსის დადასტურებული შემთხვევა - 272-ია, მათ შორის გამოჯანმრთელებული - 68 და სამი გარდცვლილი.

კარანტინის რეჟიმში - 4890, ხოლო სტაციონარში მეთვალყურეობის ქვეშ - 439 ადამიანი იმყოფება.