საქართველოს პარლამენტმა, ქვეყანაში საგანგებო მდგომარეობის გამოცხადების შესახებ პრეზიდენტის ბრძანებას კენჭი უყარა.
საგანგებო მდგომარეობის გამოცხადება აუცილებლობით ახსნა პრეზიდენტმა.
სალომე ზურაბიშვილის თქმით, ასეთი ზომების მიღებას აზრი აქვს მანამდე,
ვიდრე ეპიდემია მწვავე ფაზაში შევა.
კორონავირუსის გავრცელების შეჩერების მიზნით, საქართველოში საგანგებო მდგომარეობის გამოცხადების შესახებ გადაწყვეტილება, საქართველოს მთავრობამ დღეს მიიღო. საგანგებო რეჟიმი 21 მარტიდან ამოქმედდება და 21 აპრილამდე გაგრძელდება.
საგანგებო ღონისძიებების ნუსხა მოიცავს შემდეგ ზომებს:
იზოლაციის ან კარანტინის წესების დარღვევისთვის პირი იძულებით იქნება
გადაყვანილი შესაბამის დაწესებულებაში, წესების დარღვევისთვის
გამოყენებული იქნება სანქციები; საერთაშორისო სამგზავრო,
საჰაერო, სახმელეთო და საზღვაო მიმოსვლაზე წესდება შეზღუდვები, გარდა
სატვირთო გადაზიდვების; დგინდება საჯარო სერვისების მიწოდებისა და
ადმინისტრაციული საქმისწარმოების განსხვავებული წესები და ვადები;
იზღუდება ათ კაცზე მეტი ადამიანის თავშეყრა; ყველა ფიზიკური და
იურიდიული პირი ვალდებულია დაიცვას საგანგებო მდგომარეობის
წესები.
წესების დარღვევა გამოიწვევს ადმინისტრაციულ
პასუხისმგებლობას, რაც გულისხმობს ფიზიკური პირის მიმართ
ჯარიმას 3 000 ლარის ოდენობით, იურიდიულ პირზე კი 15 000
ლარს. იგივე ქმედება განმეორებით, დასჯადია სისხლის სამართლის
კოდექსით და ითვალისწინებს თავისუფლების აღკვეთას სამ წლამდე
ვადით.
საგანგებო მდგომარეობით გათვალისწინებული ღონისძიებები უკვე
ამოქმედდა.
რას ითვალისწინებს საგანგებო მდგომარეობა ნახეთ აქ.
მასალის გამოყენების პირობები