ცენტრალური საარჩევნო კომისიის მონაცემებით ამ დროისთვის საჩხერეში 57 უბნიდან მონაცემები დათვლილია 45 უბნის მიხედვით.

საჩხერეში "ქართული ოცნების" მერობის კანდიდატმა, ბენიამენ ფალავანდიშვილმა ხმების 89,16% მიიღო.

ცესკოს მიხედვით, იმერეთის მუნიციპალიტეტებში ამორჩეველთა ყველაზე მეტი ხმა, სწორედ, საჩხერის მერობის კანდიდატს აქვს.

მეორე ადგილზე კი "ნაციონალური მოძრაობის" მერობის კანდიდატი, ირინე გრძელიშვილი გადის, რომელსაც ამ დროისთვის ხმების 4,9% აქვს მიღებული.
საარჩვენო ადმინისტრაციის ცნობითვე, ამომრჩეველთა ხმების მაღალი რაოდენობა მიიღო "ქართული ოცნების" ვანის მერობის კანდიდატმა, ალექსანდრე გოგორიშვილმა. მას მხარს ამომრჩეველთა 68,79% უჭერს.

იმერეთის 11-ვე მუნიციპალიტეტში "ქართული ოცნების" მერობის კანდიდატები ლიდერობენ.