ქუთაისში, საფეხმავლო ხიდის ასაგებად საჭირო პროექტისთვის ტენდერი მეორედ, 15 000 ლარით გაზრდილი თანხით გამოცხადდა.

45 000 ლარის ღირებულების სახელმწიფო შესყიდვაზე (SPA170003480), დაინტერესებული პირებისთვის, წინადადების მიღება 1 მარტს დაიწყება და ის 6 მარტამდე გაგრძელდება. სატენდერო დოკუმენტაციის მიხედვით, საფეხმავლო ხიდის სავარაუდო ზომები 380 მეტრი სიგრძის და 2 მეტრი სიგანის უნდა იყოს.

ქუთაისში, წმინდა გიორგისა და ხარების ეკლესიების ტერიტორიიდან ბოტანიკურ ბაღამდე ხიდის პროექტზე, თავდაპირველად ტენდერი, მიმდინარე წლის 2 მარტს 30 000 ლარზე გამოცხდდა. თუმცა, მაშინ ამ სახელმწიფო შესყიდვით არავინ დაინტერესებულა. ამის გამო, ქუთაისის მერიამ სახელმწიფო შესყიდვის თანხა გაზარდა.