ქუთაისის ბოტანიკურ ბაღში შესვლა რიგით დამთვალიერებელებზე მომავალი წლიდან შესაძლოა ფასიანი გახდეს.

ამ დროისთვის ბაღში გასეირნება მხოლოდ მექორწილეებისთვის, ტურისტებისთვის და ექსკურსატნებისთვისაა ფასიანი.

ბოტანიკური ბაღის ხელძღვანელის, თემურ ჩეჩელაშვილის განმარტებით, ტარიფები ქუთაისის მერიამ უნდა განსაზღვროს.

"მომავლი წლიდან მერიასთან გვაქვს მოლაპარაკება რომ ადგილობრივი შემოსავლები გაიზარდოს, არ შეიძლება ბოტანიკური ბაღი იყოს ღია, უფასო ყველასთვის. ამიტომაც ალბათ ფასიანი გახდება. არ ვიცი მერია რა თანხას დაადგენს, მაგრმ თუნდაც იყოს მინიმალური. ეს ძალიან არაპოპულარული ნაბიჯია. ადამიანებს არ მოსწონთ, როცა რაღაცაში ფულს ახდევინებ. მაგრამ ბაღში იმდენი რამ არის გასაკეთებელი, მხოლოდ ბიუჯეტით შეუძლებელია", - განმარტავს თემურ ჩეჩელაშვილი.

ბოტანიკური ბაღის 2017 წლის ბიუჯეტის პროექტის მიხედვით, მიმდინარე წელთან შედარებით, დაფინანსება შეუმცირდა.

მომავალი წლისთვის, ბაღის ბიუჯეტი 273 000 ლარით განსაზღვრული. თემურ ჩეჩელაშვილი ირწმუნება, რომ ის შემცირებული ბიუჯეტითაც შეძლებს იმ სიახლეების განხორცილებას, რომელიც დაგეგმილი ჰქონდა.

მაგალითად, ბოტანიკურ ბაღში უნდა მოეწყოს ორანჟერეა და საპირფარეშოები.

ბოტანიკური ბაღის განვითარებაზე ისაუბრა 14 დეკემბერს, საკრებულოს 30-ე რიგგარეშე სხდომაზე ქალქის მერმა.

"ჩვენ ეს ადგილი ვაქციეთ დასასვენებელ, კარგ ბაღად. მაგრამ ბაღს მხოლოდ სანახაობითი ფუნქცია არ უნდა ქონდეს, ბოტანიკურ ბაღში უნდა ხდებოდეს ყვავილების გამოყვანა, რომელსაც ისევ ჩვენი ქალაქისთვის გამოვიყენებთ", - განმარტა შოთა მურღულიამ გუშინდელ საკრებულოს სხდომაზე, სადაც მომავლი წლის ბიუჯეტის პროექტი დაამტკიცეს.