შეფასებისა და გამოცდების ეროვნული ცენტრის ხელმძღვანელის, სოფო გორგოძის ინფორმაციით, უცხო ენების გამოცდაზე ორი დაგვიანება დაფიქსირდა, ორივე ქუთაისიდან.

ამის შესახებ მან, მიმდინარე წლის 8 ივლისს, ქუთაისის საგამოცდო ცენტრში სტუმრობისას ისაუბრა.

"უცხო ენების სესიაზე დილით აბიტურიენტების 95% გამოცხადდა. გვაქვს ორი დაგვიანება, ორივე ქუთაისის ცენტრიდან, სამწუხაროდ", - ამბობს სოფო გორგოძე.

სოფო გორგოძის თქმით, გამოცდები ქუთაისის ყველა საგამოცდო ცენტრში წესების შესაბამისად, მშვიდ ვითარებაში მიმდინარეობს. 

ერთიანი ეროვნული გამოცდები ქუთაისში 1-ელ, 23-ე და 41 საჯარო სკოლებში მიმდინარეობს.