რა ვიცით ქუთაისში იმ ადგილებზე და სხვადასხვა არქიტექტურულ ნაგებობებზე, რომელთაც შესაძლოა ყოველდღე ვხედავთ?

რა ისტორია უკავშირდება თითოეულ მათგანს, რომელსაც გარკვეული საზოგადოებრივი სახელი თავად მოქალაქეებმა და დრომ დაუმკვიდრა.

 

ნაცნობი-უცნობი ქალაქი ნახეთ "ქუთაისიპოსტ"-ის რუბრიკაში "ნაცნობი-უცნობი ქუთაისი".

 

რუბრიკის არსი მდგომარეობს კონკრეტულ ადგილზე მოქალაქეთა ვიდეოგამოკითხვაში – რა იციან გამოკითხვის ობიექტის შესახებ? – ხოლო გამოკითხვის შემდეგ, "ქუთაისიპოსტ"-ზე განთავსდება ინფორმაცია გამოკითხვის ობიექტის ისტორიის შესახებ.
ერთად გავიგოთ ქალაქში არსებული ადგილებისა თუ არქიტექტურული ნაგებობების ისტორია.
თვეში ორჯერ (შაბათს) – kutaisipost.ge-ზე ადევნეთ თვალი ახალ რუბრიკას – "ნაცნობი-უცნობი ქუთაისი"
რუბრიკის მორიგი შეკითხვა გახლავთ: რა ისტორია უკავშირდება ქუთაისში, ფალიაშვილის ქუჩაზე არსებულ ჰორელიეფს?

"ქუთაისიპოსტის" მიერ მოკველული ინფორმაციით, ჰორელიეფზე მუშაობა ავტორმა ბერნარდ ნებიერიძემ 1982 წელს დაიწყო, სამუშაო 10 წელი გაგრძელდა. მისი დასრულება და სამუშაოს დიდი ნაწილის შესრულება, ბერნარდ ნებიერიძის გარდაცვალების გამო, თანაავტორ ვაჟა ქუთათელაძეს მოუწია.
"ჰორელიეფი ერთგვარი ისტორიაა აიეტიდან დაწყებული მეოცე საუკუნის მნიშვნელოვანი სახეებით დასრულებული", - აღნიშნავს ვაჟა ქუთათელაძე. ჰორელიეფი კერამიკაშია გაკეთებული და იმ პერიოდის ყოფილი საბჭოეთის მასშტაბით უნიკალურ ნაკეთობად მიიჩნევა.
აღნიშნული ჰორელიეფი ქუთაისის ცენტრალური ბაზრის მიმდებარე ტერიტორიას 22 წელია ამშვენებს. კედელი, რომლის ისტორია ადგილობრივებმა არ იციან,  ჰორელიები ცნობილია სახელწოდებით - "ჩემი ქვეყანა".  
თეკლე მორგოშია