ახალი ამბები
დღეიდან დიდ ქალაქებში ღამის საათებში გადაადგილება ისევ იზღუდება
11:17 / 22.11.2020
დღეიდან დიდ ქალაქებში: თბილისში, ქუთაისში,
ბათუმში, რუსთავში, ზუგდიდში, გორსა და ფოთში 22:00 საათიდან დილის
5:00 საათამდე გადაადგილება ისევ შეიზღუდება.
შეზღუდვა 20-21 ნოემბერს 22:00-05:00
საათებში საპარლამენტო არჩევნების მეორე ტურის
გათვალისწინებით, საარჩევნო პროცესის შეუფერხებლად განხორციელების
მიზნით იყო მოხსნილი.
აღნიშნული გადაწყვეტილება პრემიერ-მინისტრის
ხელმძღვანელობით მოქმედმა უწყებათაშორისმა საკოორდინაციო საბჭომ
მიიღო. ცვლილება მთავრობის შესაბამის დადგენილებაში
შევიდა.
შეგახსენებთ, რომ 9 ნოემბრიდან საქართველოს
მთავრობის დადგენილების მიხედვით, დიდ ქალაქებში საცხოვრებელ ადგილზე
მოსახლეობის დარჩენის უზრუნველსაყოფად, 22:00 საათიდან 05:00 საათამდე
იკრძალება პირთა გადაადგილება როგორც ქვეითად, ისე სატრანსპორტო
საშუალებით, ასევე საჯარო სივრცეში ყოფნა.
მასალის გამოყენების პირობები