პროექტ "პოლიტიკურ პარტიის" ფარგლებში სიმულაციურმა პარტიებმა წინასაარჩევნო კამპანიების განხორცილება დაიწყეს.


სიმულაციური თამაშის სამმა პარტიამ ქუთაისის მოსახლეობასთან შეხვედრები გამართეს და მათ პარტიების საარჩევნო პროგრამები გააცნეს.
პარტია „ახალი თაობის“ წარმომადგენლებმა კი შეხვედრა თაბუკაშვილის ქუჩის მაცხოვრებლებთან გამართეს.

„დღეს პირველი შეხვედრა გვქონდა ამომრჩევლებთან, შედგა ხალხსა და ჩევნს შორის კომიუნიკაცია. პირველი შეხვედრისთვის კმაყოფილები დავრჩით. პროექტის ფარგლებში კიდევ სამი შეხვედრა დაგვრჩა ჩასატარებელი და ვიმედოვნებთ, რომ ხალხსა და ჩვენს შორის ურთიერთობა მიიღებს პერმანენტულ ხასიათს,“ - განაცხადა პარტია „ახალი თაობის“ ლიდერმა თორნიკე მიქაბერიძე.

სიმულაციურმა ჯგუფი "საქართველოს ლიბერალური პარტიის" წარმომადგენლები საფიჩხიის მუნიციპალიტეტის მცხოვრებლებს შეხვდნენ. პარტიის ლიდერი შეხვედრით კმაყოფილია.

"დღევანდელ დღეს შევაფასებდი ნაყოფიერად, ვინაიდან დაინტერესდა ადგილობრივი მოსახლეობა ჩვენი საარჩევნი პროგრამით,“ - აცხადებს "საქართველოს ლიბერალური პარტიის" ლიდერი თეა თათელიშვილი.

წინასაარჩევნო კამპანიაზე ისაუბრა ქალაქის ცენტარულ სკვერში მოსახლეობასთან პარტიამ "სოციალ-დემოკრატებმა".

„გავაცანით მათ თუ რატომ არ აქვს ჩვენს პარტიას ალტერნატივა, რომ ჩვენ შეგვიძლია ზუსტად აღვიქვათ ქვეყანაში არსებული პრობლემები, ვუპასუხოთ იმ გამოწვევებს, რომელიც რეალურად არსებობს, ელექტორატი დაინტერსდა ჩვენით. ისინი დაიღალნენ ძველი, დაჟანგული დაპირებებით და ახლის მოლოდინში არიან,"- ამბობს პარტია "სოციალ-დემოკრატების" ლიდერი გიორგი ტეხოვი.

შეხვედრებით კმაყოფილი არის მოსახლეობა.

„დღეს ჩვენს უბანში მობრძანებული იყო ერთერთი სიმულაციური პარტია. პარტიის ლიდერის გამოსვლა ძალიან მოგვეწონა. მათი საარჩევნო პროგრამაც ეხებოდა განათლების სისტემასა და სასამართლო სისტემის გაუმჯობესებას. საინტერესოა მათი ხედვები. იმედს ვიტოვებთ, რომ მათი იდეები განხორციელდება“- განაცხადა შეხვედრის ერთ-ერთმა მონაწილემ.

პროექტის კორდინატორი გვანცა თოთაძე სიმულაციური თამაშის მთავარ მიზნად საარჩევნო კამპანიის ფარგლებში პროგრამების, პოლიტიკური პარტიებისა და იდეოლოგიის მოსახლეობისთვის გაცნობას ასახელებს.

"პროექტი პოლიტიკური პაარტის ფარგლებში სიმულაციურმა პოლიტიკურმა პარტიებმა დაიწყეს საარჩევნო კამპანია, რომლის დროსაც ხვდებიან ამომრჩევლებს. ამ შეხვედრების მიზანია, პროექტის მონაწილეებმა ისწავლონ საარჩევნო კამპანიის დაგეგმვა, ამომრჩევლებთან ურთიერთობა და მათთვის საარჩევნო პროგრამის გაცნობა," - ამბობს პროქტის კოორდინატორი გვანცა თოთაძე.

პროექტი "პოლიტიკური პარტია" 6 თვიანია და მისი მიზანია რეგიონში წარმოდგენილი პოლიტიკური პარტიების ახალგაზრდული ფრთების წევრებისთვის არჩევნებთან დაკავშირებული პროცედურების მიმართ ცოდნის ზრდა და ამომრჩევლებთან მუშაობისათვის საჭირო უნარ-ჩვევების დახვეწა. გარდა პოლიტიკური პარტიების წარმომადგენლებისა, პროექტში ასევე ჩართული იქნება  6 არაპოლიტიკური პარტიის წარმომადგენელი.

შეგახსენებთ, რომ პროექტი "პოლიტიკური პარტია" არის სიმულაციური თამაში, რომლის განმავლობაში მონაწილეები ქმნიან სიმულაციურ პოლიტიკურ პარტიებს, განსაზღვრავენ მის იდეოლოგიურ პლატფორმას, იმიჯს, სტრუქტურას, სტრატეგიასა და საარჩევნო პროგრამას, რათა მოხვდნენ პარლამენტში.

მონაწილეები, ასევე, ქმნიან საპარლამენტო არჩევნების სიმულაციას, რომლის განმავლობაში ატარებენ პარტიის ყრილობებს, საარჩევნო შეხვედრებს მოსახლეობასთან, მონაწილეობენ დებატებსა და საარჩევნო შეხვედრებში, იზიდავენ ამომრჩევლებს და ა.შ.

პოლიტიკური პარტია, რომელიც უმეტეს ადგილებს დაიკავებს პარლამენტში, ცხადდება გამარჯვებულად და გუნდს გადაეცემა სამახსოვრო პრიზი. გარდა ამისა, პროექტში ჩართული პირები მონაწილეობას მიიღებენ ორ ბანაკში.

სამეცნიერო–ინტელექტუალური კლუბი "თაობათა დიალოგი" (RICDOG) პროექტს "პოლიტიკური პარტია" ახორციელებს სსიპ საარჩევნო სისტემების განვითარების, რეფორმებისა და სწავლების ცენტრის დაფინანსებით. (R)