საზოგადოება
ბავშვთა დღის ცენტრიდან სახლისკენ მიმავალ და-ძმას წყალტუბო-ქუთაისის მატარებელ დაეჯახა, იმ დროს, როდესაც ისინი ლიანდაგს კვეთდნენ.
"მემანქანე, რაც ძალი და ღონე ჰქონდა ყვიროდა და სიგნალსაც აძლევდა, მაგრამ ბავშვებმა ვერ მოიაზრეს და ადგილზე დარჩნენ," - ამბობს თვითმხილველი.
დაშავებული და-ძმა საავადმყოფოში გადაიყვანეს. თუმცა, შემთხვევა არ აღმოჩნდა დამაბრკოლებელი მათი თანატოლებისა და მოზარდებისთვის, რომლებიც მოკლე გზის გასავლელად ლიანდაგს ხშირად კვეთენ.
რკინიგზის ლიანდაგთან ყველაზე ახლოს საქართველოს "კარიტასის" ქუთაისის ბავშვთა დღის ცენტრი მდებარეობს. ცენტრის დირექტორის თქმით, ლიანდაგს ბავშვების გარდა, უფროსებიც ხშირად კვეთენ.
დირექტორი გამოსავალს ლიანდაგის აღებაში ხედავს.
"მატარებლის ლიანდაგი აქ საერთოდ არ არის საჭირო. ფაქტობრივად, ცარიელი მატარებლები მიდი-მოდიან. სხვა არ ვიცი რა უნდა გაკეთდეს. ჩვენც, ჩვენი მხრიდან ყურადღებას ვიჩენთ ხოლმე, როცა ბავშვები გადიან ცენტრიდან. ამ შემთხვევაში დედაც ახლდა ბავშვებს", - ამბობს დღის ცენტრის დირექტორი, ლევან ბეგიშვილი.
რკინიგზელთა ახალი პროფკავშირის წარმომადგენლის, ილია ლეჟავას თქმით, თუ მოსახლეობა ლიანდაგს გადასასვლელად ხშირად იყენებს, მაშინ შლაგბაუმი აუცილებლად უნდა გაკეთდეს. თუმცა, ამბობს, რომ ეს გადაწყვეტილება დარგის სპეციალისტებმა უნდა მიიღონ.
"მოქალაქეს არ აქვს უფლება ლიანდაგზე იაროს. რაც შეეხება მემანქანის მდგომარეობას, გასარკვევია, ხომ არ იყო შრომითი უფლებები დარღვეული, ზეგანაკვეთურად ნამუშევარი, ან ღამენათევი, ამ შემთხვევაში სხვა პასუხისმგებლობაა. თუ ეს არ არის, დარღვეული მაშინ, ნებისმიერ შემთხვევაში, ქვეითის ბრალეულობაა. ელმავალი ისეთი თემაა ვერ გააჩერებ, ძალიან რთულია. ამიტომ, ვერც მემანქანეს ვერ დაბრალდება ყველაფერი და ვერც თანაშემწეს", - ამბობს ილია ლეჟავა.
ვისი ბრალეულობა გამოიკვეთება 19 მარტს მომხდარ შემთხვევაში, ამას სამართალდამცველები არკვევენ. ფაქტთან დაკავშირებით აღძრულია სისხლის სამართლის საქმე. გამოძიება 275 მუხლის 1 ნაწილით მიმდინარეობს. რაც სარკინიგზო ტრანსპორტის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
საქართველოს რკინიგზა მომხდარზე კომენტარს არ აკეთებს.
სახიფათო გზა შინისკენ
20:43 / 20.03.2019
ბავშვთა დღის ცენტრიდან სახლისკენ მიმავალ და-ძმას წყალტუბო-ქუთაისის მატარებელ დაეჯახა, იმ დროს, როდესაც ისინი ლიანდაგს კვეთდნენ.
გოგონას თავის ქალისა და სახის ძვლების მრავლობითი მოტეხილობა
აღენიშნება, ბიჭს კი ჰემატომა თავის ტვინში.
"მემანქანე, რაც ძალი და ღონე ჰქონდა ყვიროდა და სიგნალსაც აძლევდა, მაგრამ ბავშვებმა ვერ მოიაზრეს და ადგილზე დარჩნენ," - ამბობს თვითმხილველი.
დაშავებული და-ძმა საავადმყოფოში გადაიყვანეს. თუმცა, შემთხვევა არ აღმოჩნდა დამაბრკოლებელი მათი თანატოლებისა და მოზარდებისთვის, რომლებიც მოკლე გზის გასავლელად ლიანდაგს ხშირად კვეთენ.
რკინიგზის ლიანდაგთან ყველაზე ახლოს საქართველოს "კარიტასის" ქუთაისის ბავშვთა დღის ცენტრი მდებარეობს. ცენტრის დირექტორის თქმით, ლიანდაგს ბავშვების გარდა, უფროსებიც ხშირად კვეთენ.
დირექტორი გამოსავალს ლიანდაგის აღებაში ხედავს.
"მატარებლის ლიანდაგი აქ საერთოდ არ არის საჭირო. ფაქტობრივად, ცარიელი მატარებლები მიდი-მოდიან. სხვა არ ვიცი რა უნდა გაკეთდეს. ჩვენც, ჩვენი მხრიდან ყურადღებას ვიჩენთ ხოლმე, როცა ბავშვები გადიან ცენტრიდან. ამ შემთხვევაში დედაც ახლდა ბავშვებს", - ამბობს დღის ცენტრის დირექტორი, ლევან ბეგიშვილი.
რკინიგზელთა ახალი პროფკავშირის წარმომადგენლის, ილია ლეჟავას თქმით, თუ მოსახლეობა ლიანდაგს გადასასვლელად ხშირად იყენებს, მაშინ შლაგბაუმი აუცილებლად უნდა გაკეთდეს. თუმცა, ამბობს, რომ ეს გადაწყვეტილება დარგის სპეციალისტებმა უნდა მიიღონ.
"მოქალაქეს არ აქვს უფლება ლიანდაგზე იაროს. რაც შეეხება მემანქანის მდგომარეობას, გასარკვევია, ხომ არ იყო შრომითი უფლებები დარღვეული, ზეგანაკვეთურად ნამუშევარი, ან ღამენათევი, ამ შემთხვევაში სხვა პასუხისმგებლობაა. თუ ეს არ არის, დარღვეული მაშინ, ნებისმიერ შემთხვევაში, ქვეითის ბრალეულობაა. ელმავალი ისეთი თემაა ვერ გააჩერებ, ძალიან რთულია. ამიტომ, ვერც მემანქანეს ვერ დაბრალდება ყველაფერი და ვერც თანაშემწეს", - ამბობს ილია ლეჟავა.
ვისი ბრალეულობა გამოიკვეთება 19 მარტს მომხდარ შემთხვევაში, ამას სამართალდამცველები არკვევენ. ფაქტთან დაკავშირებით აღძრულია სისხლის სამართლის საქმე. გამოძიება 275 მუხლის 1 ნაწილით მიმდინარეობს. რაც სარკინიგზო ტრანსპორტის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
საქართველოს რკინიგზა მომხდარზე კომენტარს არ აკეთებს.
მასალის გამოყენების პირობები