"ჩემი მერად არჩევის შემთხვევაში ჭიათურაში გაზიფიცირების პრობლემა სრულად მოიხსნება. ბუნებრივი აირი ექნება ყველა სოფელს და ყველა ოჯახს", -ეს განცხადება ჭიათურის ,,ქართული ოცნება-დემოკრატიული საქართველოს" მერობის კანდიდატმა პაატა ნადირაძემ მოსახლეობასთან შეხვედრის დროს გააკეთა.

ჭიათურის მერობის კანდიდატი დღეს ვაჭევის თემის მოსახლეობას შეხვდა და წინასაარჩევნო პროგრამა გააცნო. ასევე, მათთან ერთად იმ პრიორიტეტებზე ისაუბრა, რომელიც 4 წლის მანძილზე უნდა განხორციელდეს. პაატა ნადირაძეს ამომრჩევლებმა სოფლებში არსებული პრობლემები გააცნეს და იმედი გამოთქვეს, რომ კანდიდატის გამარჯვების შემთხვევაში მათი მოთხოვნები გათვალისწინებული იქნება.

დღესვე, ჭიათურის მერობის კანდიდატმა მოსახლეობას საინფორმაციო ბროშურები დაურიგა.