აკაკი წერეთლის სახელობის უნივერსიტეტისა და სუპერმარკეტების ქსელ „დეილის“ ერთობლივი პროექტის ფარგლებში მემორანდუმი გაფორმდა,
რომელიც მიზნად ისახავს სტუდენტებს სწავლის პერიოდშივე მისცეს შესაძლებლობა გამოიმუშავონ პრაქტიკული უნარ-ჩვევები და დააგროვონ გამოცდილება.



აღნიშნული პროექტის ფარგლებში ნებისმიერ სტუდენტს, რომელიც დასაქმდება „დეილის“ ფილიალში მოლარის ან კონსულტანტის ვაკანსიაზე, არსებული ანაზღაურებისა და ბონუსის გარდა, 6 თვიანი მუშაობის შედეგად სწავლის 25%, ხოლო 1 წლიანი მუშაობის შედეგად სწავლის 50% დაუფინანსდება.

აღსანიშნავია ის ფაქტიც, რომ მუშაობის პროცესში უნივერსიტეტი სტუდენტებს საშუალებას მისცემს მათზე მორგებული გრაფიკით ისწავლონ და პარალელურად შეძლონ თავიანთი ცოდნის გამდიდრება პრაქტიკული გამოცდილებით.