საკონფერენციო დარბაზი, აიეტის დარბაზი, აიეტის ცვილის ქანდაკება, ოქროს საწმისის ფიგურა, არგოს მითის თემატიკაზე  მოხატული კედლები - ასე გამოიყურება  ქუთაისის  საინფორმაციო ცენტრის ახლაგახსნილი შენობა.

ქუთაისში, ტურიზმის საინფორმაციო ცენტრი 2 მაისამდე მერიის ადმინისტრაციულ შენობაში იყო განთავსებული. ცენტრისთვის  "მირზაანის" ყოფილი შენობა მერიამ 2015  წელს შეიძინა, ხოლო  ობიექტის მოსაწყობად  სახელმწიფო შესყიდვა  გასულ წელს გამოაცხადა, სადაც გამარჯევბულ კომპანიად შპს "პარმარი" დასახელდა. კომპანიამ ობიექტის კეთილმოწყობის სანაცვლოდ ბიუჯეტიდან 162 000 ლარი მიიღო.