ასე გამოიყურება განახლებული თეთრი ხიდი ღამით, სადაც ხუთთვიანი ლოდინის შემდეგ, სარეაბილიტაციო სამუშაოების ძირითადი ნაწილი დასრულდა.

ფოტო სოციალურ ქსელში გავრცელდა. 

ქალაქის მერიის მიერ გავრცელებული განცხადებით: "ამ დროისთვის თეთრ ხიდზე ტექნიკური სამუშაოები დარჩა ჩასატარებელი. მათ შორის სანათების მონტაჟი და იატაკის ზედაპირის გალაქვა."

რეაბილიტაციის ფარგლებში ხის საფეხმავლო იატაკი ლითონით ჩანაცვლდა. თავიდან შეიღება მოაჯირი. ხიდზე ასევე ამოიტვიფრა ციტატები, რომელიც თეთრ ხიდსა და ქუთაისს ეხება.

რას ფიქრობენ ქუთაისში განახლებულ თეთრ ხიდზე? - ნახეთ ვიდეო:



მერიის ინფორმაციით, ხიდი 3 ნოემბერს, 19:00 საათზე გაიხსნება.

"ხიდის გახსნის ღონისძიებაში გოგი ალექსიძის თბილისის თანამედროვე საბალეტო დასი მიიღებს მონაწილეობას. საღამოზე წარმოდგენილი იქნება პერფომანსი ცისფერყანწელთა საარქივო ხმებზე. ღონისძიებას ქუთაისის საოპერო გუნდი დაასრულებს.

თეთრი ხიდის სარეაბილიტაციო სამუშაოები ადგილობრივი ბიუჯეტიდან დაფინანსდა. ხის საფეხმავლო იატაკი ლითონით ჩანაცვლდა. თავიდან შეიღება მოაჯირი. ხიდზე ასევე ამოიტვიფრა ციტატები, რომელიც თეთრ ხიდსა და ქუთაისს ეხება.

ამ დროისთვის თეთრ ხიდზე ტექნიკური სამუშაოები დარჩა ჩასატარებელი. მათ შორის სანათების მონტაჟი და იატაკის ზედაპირის გალაქვა," - აცხადებენ ქუთაისის მერიაში.

თეთრი ხიდის რეაბილიტაცია მიმდინარე წლის 1 ივნისიდან დაიწყო. სამუშაოები 22 აგვისტოს უნდა დასრულებულიყო, თუმცა, კომპანიამ სამუშაოების გადავადება რამდენჯერმე მოითხოვა.

ქუთაისის მერიამ ხიდის რეაბილიტაციისთვის 445 000 ლარი დახარჯა.