ქუთაისში მოსკოვის თეატრის Театр у Никитских ворот ვიზიტის ფონზე, რუსული ოკუპაცია მესხიშვილის თეატრის მსახიობებმაც გააპროტესტეს.

მსახიობებმა ინგა კაკიაშვილმა და რეზი ქაროსანიძემ თეატრში სტიკერები გააკრეს წარწერით „რუსეთი ოკუპანტია“.

მათ  მოსკოვის თეატრის სპექტაკლზე დამსწრე მაყურებელს დაურიგეს ბუკლეტები რუსულ ოკუპაციას შესახებ.  

ხელოვანი ვარ და მივესალმები სხვა ქვეყნის ხელოვანებს  მაგრამ ელემენტარულად მინდა ვიცოდე იციან თუ არა ჩვენმა სტუმრებმა მოსკოვიდან რა დამოკიდებულება  აქვთ ჩვენს სახელმწიფოებს ერთმანეთთან? იციან თუ არა რომ ჩვენი ქვეყნის ტერიტორიის ოცი პროცენტი ოკუპირებულია რუსეთის მიერ. ატოცში რაც ხდება დღეს ეს ინფორმაცია მათთან მინდოდა მიმეტანა რომ მათაც დაეფიქსირებინათ თავიანთი პოზიცია  -არიან თუ  არა სოლიარულები“, - ამბობს მსახიობი ინგა კაკიაშვილი. 




მოსკოვის თეატრის სპექტაკლის პარალელურად მესხიშვილის თეატრის წინ საპროტესტო აქცია გაიმართა.

მოძრაობა „რუსეთი ოკუპანტია“ მესხიშვილის თეატრში მოსკოვის თეატრის Театр у Никитских ворот გასტროლს აპროტესტებს.