რჩევები
გემრიელი ბარდის წვნიანი, რომელსაც 10 წუთში მოამზადებთ
18:08 / 09.02.2020
ზამთრის ცივ ამინდებში ცხელი ბარდის
გემრიელი წვნიანით აუცილებლად მოიგებთ ოჯახის წევრების
გულს.
გთავაზობთ ბარდის წვნიანის ყველაზე უმარტივეს რეცეპტს.
ინგრედიენტები:
ბარდის კონსერვი - 200 გრამი.
ხახვი - 1 თავი.
ნიორი – 2 კბილი.
სტაფილო – 1 ცალი.
ზეთი – 2 სუფრის კოვზი.
ქინძი – 4–5 ღერი.
ცერეცო – 2–3 ღერი.
ბრინჯი – 20–25 გრამი.
ქათმის ბულიონის კუბიკი – 2 ცალი.
მარილი გემოვნებით.
მომზადების წესი :
ქვაბში დავასხათ ზეთი, ჩავყაროთ წვრილად დაჭრილი ხახვი და გახეხილი
სტაფილო. ვშუშოთ დაახლოებით ერთი წუთის განმავლობაში.
მოშუშულ ბოსტნეულს დავამატოთ ბარდა, დაჭყლეტილი ნიორი, ქათმის
ბულიონის კუბიკები, გარეცხილი ბრინჯი და დავასხათ 2 ლიტრი
წყალი.
წვნიანი ვადუღოთ მაღალ ცეცხლზე დაახლოებით 7–8 წუთის განმავლობაში.
ბოლოს დავამატოთ დაჭრილი ქინძი, ცერეცო, მარილი და მივირთვათ
გემრიელად.
მასალის გამოყენების პირობები