ქუთაისში, პარლამენტის ყოფილი შენობის ტერიტორიაზე ხელოვნური ტბა მოეწყო.

საქართველოს ინოვაციებისა და ტექნოლოგიების სააგენტოს (GITA) ხელმძღვანელმა, ავთანდილ კასრაძემ გასულ წელს განაცხადა, რომ უკვე დასრულებული იყო ჭაბურღილის გაწმენდა და მიმდინარეობდა წყლის მცირე ნაკადით მიწოდება მისი ხარისხის დასადგენად.

მისივე თქმით, პარლამენტის ქუთაისში ფუნქციონირების პერიოდში არსებული გარე ხელოვნური ტბას  არასოდეს უფუნქციონირებია და ამიტომ მისე აღდგენა გაადაწყვიტეს.

აღსანიშნავია, რომ ხელოვნური ტბა პარლამენტის ქუთაისში გადატანის დროს მოეწყო, თუმცა, ხელისუფლების ცვლილების შემდეგ, არათუ ტბა, მიმდებარე ტერიტორიაც მოუვლელი და მიტოვებული იყო. 

ამჟამად პარლამენტის ყოფილი შენობისა და მიმდებარე ტერიტორიაზე ტექნოლოგიური ჰაბის მოსაწყობად სარეაბილიტაციო სამუშაოები მიმდინარეობს.