პოლიტიკა
საქსტატის მონაცემების მიხედვით, წინა სასწავლო წელთან შედარებით, ქვეყანაში არსებული სკოლების რაოდენობა არ შეცვლილა. მათივე ცნობით, რეგიონების მიხედვით, ყველაზე მეტი სკოლა (17.0%) იმერეთში ფიქსირდება.
რეგიონების მიხედვით, ყველაზე მეტი სკოლა იმერეთში ფიქსირდება - საქსტატი
14:00 / 03.12.2019
საქართველოს სტატისტიკის ეროვნული სამსახურის ინფორმაციით, 2019/2020 სასწავლო წლის დასაწყისისთვის, საქართველოში სულ 2 313 ზოგად-საგანმანათლებლო დაწესებულება (სკოლა) იყო, მათ შორის 2 086 საჯარო, ხოლო 227 კერძო.
საქსტატის მონაცემების მიხედვით, წინა სასწავლო წელთან შედარებით, ქვეყანაში არსებული სკოლების რაოდენობა არ შეცვლილა. მათივე ცნობით, რეგიონების მიხედვით, ყველაზე მეტი სკოლა (17.0%) იმერეთში ფიქსირდება.
ზოგადსაგანმანათლებლო
დაწესებულებების რაოდენობა 2015/2016-2019/2020 სასწავლო წლების
დასაწყისისთვის:
2019/2020 სასწავლო წლის დასაწყისისთვის,
საქართველოს ზოგადსაგანმანათლებლო დაწესებულებებში 592.9 ათასი
მოსწავლე სწავლობს, რაც წინა სასწავლო წლის მაჩვენებელს 1.5%-ით
აღემატება. საჯარო სკოლებში მოსწავლეთა საერთო რიცხოვნობის 89.4%
სწავლობს, ხოლო კერძო სკოლებში - 10.6%. მოსწავლეთა საერთო
რიცხოვნობიდან 47.9% გოგოა, ხოლო 52.1% -
ბიჭი.
რეგიონებს შორის, ყველაზე მეტი
მოსწავლე (34.7%) თბილისში სწავლობს.
2019/2020 სასწავლო წლის დასაწყისისთვის, ზოგადსაგანმანათლებლო დაწესებულებებში დასაქმებული იყო 63 780 პედაგოგი, რაც წინა წლის ანალოგიურ მაჩვენებელთან შედარებით 5.3%- ით ნაკლებია. მასწავლებელთა დიდ უმრავლესობას ქალები შეადგენენ, კერძოდ, პედაგოგების რიცხოვნობაში ქალების წილი 86.8%, ხოლო კაცების წილი 13.2% -ია.
მასალის გამოყენების პირობები