გარემოს ეროვნული სააგენტოს ინფორმაციით, 23 ოქტომბერს დასავლეთ საქართველოში დღის მეორე ნახევრიდან გამოიდარებს და ჰაერის ტემპერატურა მოიმატებს.
სინოპტიკოსების ვარაუდით, დასავლეთ საქართველოში უნალექო ამინდი 24-25 ოქტომბერსაც შენარჩუნდება და ტემპერატურა 27 გრადუსამდე გათბება.

"მოიმატებს მკვეთრად ტემპერატურა, თუმცა,  24 ოქტომბრიდან იქროლებს აღმოსავლეთის მიმართულების ქარი, რომელიც შენარჩუნდება 25 ოქტომბერსაც", - ამბობს გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

მისი თქმით, დასავლეთ საქართველოში 26 ოქტომბრიდან კვლავ არამდგრადი ამინდები და ნალექია მოსალოდნელია, თუმცა 28 ოქტომბრიდან გამოიდარებას პროგნოზირებენ.