ცენტრალური საარჩევნო კომისიის თავმჯდომარის, თამარ ჟვანიას განცხადებით, მეორე ტურის დანიშვნის უკიდურესი ვადა 15 ნოემბერია. მისი თქმით, საოლქო კომისიები საბოლოო შედეგებს არჩევნებიდან არაუგვიანეს მე-11 დღეს აჯამებენ, რის შემდეგაც დაინიშნება არჩევნების მეორე ტური.

კანონმდებლობით მეორე ტური არჩვენების დღიდან არაუგვიანეს 25- ე დღეს უნდა გაიმართოს, თუმცა, თამარ ჟვანიას განცხადებით, თუ საარჩევნო დავები ან სხვა პრობლემები არ შეიქმნა, უკიდურესი ვადის გამოყენება საჭირო არ იქნება.

არჩევნების მეორე ტური, სავარაუდოდ,  საქართველოს 6 ქალაქში გაიმართება. ესენია: ქუთაისის, ყაზბეგი, ბორჯომი, ხაშური, ოზურგეთ, მარტვილი.

ქუთაისში, ცესკოს წინასწარი მონაცემებით 50%-იანი ბარიერი ვერ გადალახა "ქართული ოცნების" ქუთაისის მერობის კანდიდატმა, გიორგი ჭიღვარიამ. მან ხმების 48.65% მიიღო.   

მეორე ტურის გამართვის შემთხვევაში, ქუთაისში მერობისთვის ჭიღვარიასთან ერთად "ნაციონალური მოძრაობის" მერობის კანდიდატი, გრიგოლ ვაშაძე იბრძოლებს, რომელმაც წინასწარი მონაცემებით ხმების 27.05% მიიღო.

ცესკოს წინასწარი შედეგებით, ქუთაისის 6 ოლქში მმართველი პარტიის კანდიდატები ლიდერობენ.