ქუთაისის მერიის ადმინისტრაციული შენობა "ქართული ოცნების" ფერებში გაანათეს.


მერიაში განმარტავენ, რომ შენობის ფასადზე ჩვეულებრივი ნათურები ეკონათურებით ჩანაცვლდა.

"რამდენიმე დღეა ჩანაცვლდა და ეს პროცესი მთელს ქალაქში ეტაპობრივად მიმდინარეობს," - განაცხადეს ქუთაისის მერიაში.

21 ოქტომბერს ადგილობრივი თვითმმართველობის არჩევნები ჩატარდა. ხმის მიცემის პროცედურები 8 საათისთვის დასრულდა.

ქუთაისის 124-ვე საარჩევნო უბანზე, სადაც 152 561 ამომრჩეველია რეგისტრირებული, საკუთარი არჩევანი 54 000-მდე ამომრჩეველმა გააკეთა, რაც საერთო ამომრჩევლის 35%-ია.

"ედისონ რისერჩის" ეგზიტპოლის შედეგების მიხედვით, ქუთაისში "ქართული ოცნების" ქუთაისის მერობის კანდიდატმა, გიორგი ჭიღვარიამ ამომრჩეველთა ხმების 53 %, "ნაციონალური მოძრაობის" კანდიდატმა გრიგოლ ვაშაძემ კი 25 % მიიღო.