კერძო სპორტული საბავშვო ბაღი, რომელიც რამდენიმე ხნის წინ ქუთაისში გაიხსნა, ჭადრაკის ფედერაციის პრეზიდენტის, გია გიორგაძის სახლში ფუნქციონირებს.

საბავშო ბაღის კონსულტანტი მსოფლიო ჩემპიონი, ნონა გაფრინდაშვილია.

ქუთაისიპოსტის ინფომაციით, კერძო საბავშო ბაღის ერთ-ერთი მესაკუთრე ქუთაისის მერიის დაქვემდებარებაში მყოფი ააიპ ბაგა-ბაღების გაერთიანების ხელმძღვანელი, ნანა ლორთქიფანიძეა. თუმცა, მან ჩვენთან საუბარში ეს არ დაადასტურა.

"არ ვადასტურებ ინფორმაციას," - განაცხადა ნანა ლორთქიფანიძემ.

საბავშვო ბაღში "ლიდერი" 3 წლიანი აღსაზრდელების სწავლის საფასური 180 ლარს, ხოლო 3 წლის ზემოთ ასაკის 200 ლარს შეადგენს.

სკოლამდელ დაწესებულებაში ტანვარჯიში და ჭადრაკი ისწავლება. ასევე, ტარდება გამაჯანსაღებელი ვარჯიშები.