ნიკო ფიროსმანის "არსენალის მთა ღამით" საჩუქრად ხელოვნების მუზეუმს გადაეცემა. გადაწყვეტილება ტილოს ხელოვნების მუზეუმისთვის გადაცემის შესახებ
ნახატის ახალ მფლობელს, ყოფილ პრემიერს, ბიძინა ივანიშვილს ეკუთვნის.

ყოფილმა პრემიერ-მინისტრმა ბიძინა ივანიშვილმა ფიროსმანის "არსენალის მთა ღამით" მილიონნახევარ დოლარად "კრისტის" აუქციონზე შეიძინა.
აღნიშნული ნახატი ნიკო ფიროსმანმა 1907-1908 წელს შექმნა და ამ დრომდე კერძო კოლექციონერის საკუთრება იყო.
ტილო ბოლოს ლონდონის აუქციონზე 2010 წელს გაიყიდა. მანამდე ის 2007 წელს ნიუ-იორკის "სოტბის" აუქციონზე გაყიდეს. 1957 წელს ფიროსმანის ნახატი ფრანგ პოეტს, ლუი არაგონს 60 წლის იუბილესთან დაკავშირებით აჩუქეს.
ინფორმაცია გადაცემა "2030"-მა გაავრცელა.


interpressnews.ge