არასამთავრობო ორგანიზაცია "სამართლიანი არჩევნები" წინასაარჩევნო პერიოდის მონიტორინგის I შუალედურ ანგარიშს აქვეყნებს.

დოკუმენტი მიმდინარე წლის 24 ივლისიდან 4 სექტემბრის ჩათვლით პერიოდს მოიცავს. ამ ხნის განმავლობაში "სამართლიანი არჩვენების" დამკვირვებლები, მთელი ქვეყნის მასშტაბით, საარჩევნო სიბუეტების მიერ გამართულ 82 საჯარო შეხვედრას აკვირდებოდნენ.

ორგანიზაციის დაკვირვებით საანგარიშო პერიოდში ფიზიკური დაპირისპირების 2, ზეწოლა-მუქარი 2, სავარაუდოდ პოლიტიკური ნიშნით სამსახურიდან გათავისუფლების 1, ადმინისტრაციკული რესურსის გამოყენების 3 და დამკვირვებლისათვის ხელის შეშლი 1 ფაქტი გამოვლინდა.

დოკუმენტში, ასევე აღნიშნულია, რომ 8 საარჩევნო ოქლში საუბნო საარჩევნო კომისიების დაკომპლექტება ხარვეზებით წარიმართა, რომელთა შორის ქუთაისის #59 საოლქო კომისიაც მოხვდა.

"ქუთაისის საოლქო საარჩევნო კომისიამ საუბნო საარჩევნო კომისიები 53 ისეთ წევრით დააკომპლექტა, რომელთაც გასულ საპარლამენტო არჩევნებზე საარჩევნო კანონმდებლობის დარღვევისთვის დისცილინური პასუხისმგებლობა ჰქონდათ დაკისრებული. მათგან 7 წევრს, დისციპლინური პასუხისმგებლობა დაეკისრათ საპარლამენტო არჩევნების ორივე ტურში," -აღნიშნულია ISFED-ის ანგარიშში.

ორგანიზაცია, ასევე ყურადღებას ამახვილებს მუნიციპალიტეტებში საბიუჯეტო რესურსების მობილიზების ფაქტებზეც. სულ ასეთი 37 შემთხვევა გამოვლინდა, ხოლო უფასო სამედიცინო მომსახურების გაწევის 5 შემთხვევა.

ორგანიზაცია მუნიციპალიტეტებს მოუწოდებს დაიცვან პოლიტიკური ნეიტრალიტეტი და არ დაუშვან საბიუჯეტო თუ ადამიანური რესურსების გამოყენება პარტიული ინტერესების გასატარებლად. ასევე, საოლქო საარჩევნო კომისიებს კი, საქმიანობის ნდობის ამაღლებისთვის, მაქსიმალურად გამჭვირვალე და დასაბუბთებული გადაწყვეტილებების გამოტანისკენ მიუთითებენ.