ერთიან ეროვნულ გამოცდებზე უცხო ენების და მათემატიკის გამოცდაზე დაფიქსირებული პირველადი შედეგები მომავალ კვირაში გამოქვეყნდება.

"შესაძლოა, 31 ივლისსაც  დაიდოს უცხო ენების გამოცდის პასუხები, ამის შემდეგ მალევე გამოქვეყნდება მათემატიკის გამოცდის შედეგებიც", - განმარტავს გამოცდების და შეფასების ეროვნული ცენტრის დირექტორის მოადგილე, ივა მინდაძე.

მისი თქმით, გამოცდების ეროვნული ცენტრი ყველა გამოცდის პირველადი შედეგების გამოქვეყნებას მიმდინარე წლის 5 აგვისტომდე გეგმავს.

მას შემდეგ რაც, გამოცდების პირველადი შედეგები გახდება ცნობილი აპელაციის პროცესი დაიწყება. ივა მინდაძის თქმით, სააპელაციო პერიოდი, რომელიც პირველადი შედეგების გასაჩივრებას გულისხმობს დაახლოებით 5 დღე გასტანს, რის შემდეგაც, საბოლოო შედეგებიც გამოქვეყნდება.

ერთიან ეროვნულ გამოცდებზე უკვე გამოქვეყნდა ზოგადი უნარების პასუხები. შედეგების მიხედვით გამოცდებს 5000-მდე აბიტურიენტი გამოეთიშა.


ამავე თემაზე:

ზოგადი უნარების ტესტებს 5000-მდე აბიტურიენტი გამოეთიშა